Levitico 7:17 - Maung A Balita Biblia

¹⁷ Nepeg a poolan so antokaman a karnin nakeraan ed kumatlon agew.

Maung a Balita Biblia

¹⁷ Nepeg a poolan so antokaman a karnin nakeraan ed kumatlon agew.

Levitico 7:17 Iomraidhean Croise

Genesis 22:4

Nen kumatlon agew abantag nen Abraham imay pasen.

Exodo 12:10

Ag kayo mangikekera ya anggad kabwasan; no walay nakeraan yo, nepeg yon poolan.

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Exodo 29:14

Balet poolan mod paway na kampo so laman na bakan kalakyan, say katat to tan say pait to; sikatoy bagat a para kasalanan.

Exodo 29:34

No walay kerad kabwasan a karni odino tinapay, nepeg a poolan; ag nepeg a kanen, ta masanto.

Oseas 6:2

Diad loob na duara odino taloran agew pabilayen to itayo, tan mambilay itayod arap to.

Levitico 10:16

Si Moises tinepet to so nipaakar ed samay kanding ya ibagat para kasalanan, et naamtaan to ya apoolan la. Lapud saya, akapasnuk si Moises ed kinen Eleazar tan si Itamar. Inkuantod sikara,

Levitico 19:6

Say karni et nepeg a kanen diad agew na impamatey ed ayep odino diad ontombuk ya agew. Nepeg a poolan so karnin nakeraan ed kumatlon agew,

Levitico 19:7

lapud marotak onung ed ganggan; no walay mansira ed sayan karni, ag ko awaten so bagat yo.

1 CORINTO 15:4

imponpon tan inmolin binmilay ed kumatlon agew, onung met ed Masanton Sulat;