Levitico 7:12 - Maung A Balita Biblia

¹² No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

Maung a Balita Biblia

¹² No say sakey a too et mangisaklang na sayan bagat a pisalamat tod Dios, nepeg a tekepan to na bagat a tinapay ya anggapoy libadura: nayarin makapal a tinapay a nikames ed larak na oliba, odino maimpis a pinoranisay larak na oliba, odino tinapay a nikames ed dakel a larak.

Levitico 7:12 Iomraidhean Croise

2 Saray Awaran 29:31

Inkuanen Ezekias ed saray totoo, “Natan ta malinis kayo la onung ed ganggan, mangawit kayo na saray bagat a para pisasalamat ed abung na Katawan.” Tinmoluk ira may totoo, tan angaawit a mabolbolus so arum ed sikara na saray ayayep a para bagat a popoolan.

2 Saray Awaran 33:16

Inapiger to met so altar ya angigagalangan ed Katawan, insan angisaklang diman na saray bagat a para kareenan tan saray bagat a pangiter na pisasalamat. Ingganggan to ray amin a totood Juda a panlingkuran day Katawan a Dios na Israel.

Nehemias 12:43

Amayamay a bagat so insasaklang dad saman ya agew, tan mapalaloy gayaga na saray totoo lapud ontan lay impamaliket na Dios ed sikara. Akipista met iray bibii tan saray ogogaw. Narengel ed arawdawi so kasil na bosis dan amin.

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 116:17

Itdan ta kay bagat na pisasalamat tan mampikasi ak ed sika.

Saray Salmo 50:23

Say pisasalamat so bagat a mangigagalang ed siak, tan andi-saew ya ilaban kon amin iray mangoonur ed siak.”

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

Oseas 14:2

Pawil kayod Katawan, tan iyapay yo yan pikakasi ed sikato: “Pirdonam pan amin iray kasalanan mid sika, Katawan, tan dengel mo pay pikakasi mi; et diad ontan idayew mi ka onung na insipan mi.

Levitico 2:4

No say ibagat et tinapay a nilutod ornowan, nepeg ya anggapoy libadura to. Nayarin makapal ya inkames ed larak na oliba odino maimpis a pinoranisay larak na oliba.

Levitico 2:5

No say ibagat et tinapay a nilutod bibingkaan, say arina nepeg ya ikames ed larak na oliba balet ag laukan na libadura.

Levitico 22:29

No mangisaklang kayoy bagat a pisasalamat ed Katawan, tombuk yo ray totontonen pian naawat kayo;

Levitico 6:16

Kanen na saray papari so akeraan ed samay arina. Nepeg a gawaen a tinapay ya anggapoy libadura tan kanen ed masanton pasen, diad solar na Tuldan Ayamay Katawan. Say Katawan inter to yad saray papari a nabebetangan da ed saray bagat a popoolan. Masanton tuloy yan bagat, a singa saray bagat a para kasalanan tan saray bagat a pambayar.

Levitico 7:15

Say karni na ayep nepeg a kanen ed agew ya impangibagat; nepeg ya anggapoy nakeraan ya anggad kabwasan.

Amos 4:5

Ituloy yoy pangibagat yo na tinapay diad pisalamat yod Dios, tan ipanta yoy masoluk a bagat yo! Sikato yay labalabay yon gawaen.

Saray Bilang 6:15

Mangibagat met na sanbaskit a tinapay ya anggapoy libadura: saray makapal a tinapay ya agawa rad arinan inkames ed larak na oliba tan saray maimpis a tinapay a pinoranisan na larak na oliba. Mangisaklang met ni na saray bagat a trigo tan alak.

Lucas 17:16

Dinmakmomo ya anggad dalin, diad saliyan nen Jesus, tan akisalamat ed sikato. Samaritano yan too.

Lucas 17:18

Akin et sayan sangkaili labat so pinmawil a misalamat ed Dios?”

Saray Taga Roma 1:21

Anggaman a kabat da lay Dios, ag da inggalang a Dios odino akisalamatan. Ingen, andikakanaan so kanunotan da tan abilongetan so ag makatalus ya otek da.

TAGA-EFESO 5:20

Lapud amin a bengatla, misalamat kayo lawas ed Dios Ama, diad ngaran na Katawan tayon Jesu-Cristo.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.