Levitico 7:1 - Maung A Balita Biblia

¹ Saray onggendan a totontonen et nipaakar ed saray bagat a pambayar, masanton tuloy ira.

Maung a Balita Biblia

¹ Saray onggendan a totontonen et nipaakar ed saray bagat a pambayar, masanton tuloy ira.

Levitico 7:1 Iomraidhean Croise

2 Saray Awaran 31:14

Si Core a lakin anak nen Imna tan sakey a Levita a pangulo da ray guardia ed Puirtay Bokig na Timplo, so makaoley a manawat tan mangibunog na saray rigalon nisaklang ed Katawan.

Ezekiel 40:39

Diad sayan lolooban a kuarto walay apatiran lamisaan, duara ed kapag dapag na kuarto. Diad sarayan lamisaan so pamapapateyan na saray ayayep ya ibagat, a nayarin bagat a popoolan odino bagat a para kasalanan odino bagat a pambayar.

Ezekiel 44:29

Saray bagat a trigo, saray bagat a para kasalanan, tan saray bagat a pambayar et tagano na saray papari, tan sikaray mangawat na amin a bengatlan nibiig a para siak diad Israel.

Ezekiel 46:20

tan kuanto, “Sikato yay pasen a panlambungan na saray papari ed saray karnin nibagat a para kasalanan odino nibagat a para pambayar, tan dia met so panlutuan dad saray bagat ya arina, pian anggapoy masanton bengatla a niakar ed patiod paway, a nayarin napasakitan to ray totoo.”

Levitico 21:22

Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;

Levitico 5:11

No ag nayarian na sakey a too so mangibagat na duaran palekpek odino duaran malangwer a malapati lapud irap na bilay to, mangyakar na sakey kilon arina a bagat ton para kasalanan. Ag to laukan na larak na oliba odino insinso, lapud bagat a para kasalanan.

Levitico 5:14

Say Katawan inter tod kinen Moises iray onggendan a totontonen.

Levitico 5:15

No say sakey a too et nankasalanan ya ag to ginagala lapud ag to impangiter na saray babayaran a masantod Katawan, nepeg a mangyakar na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario.

Levitico 5:7

No say sakey a too et ag to nayarian so mangibagat na kordiro odino kanding lapud irap na bilay to, mangyakar ed Katawan na duaran palekpek odino duaran malangwer a malapati a pinagkabayar na kasalanan to; say sakey ibagat para kasalanan tan say sakey isaklang a bagat a popoolan.

Levitico 5:8

Iyakar to ra ed pari, tan say pari onaen ton isaklang so manok ya ibagat para kasalanan. Yesyesen tod beklew balet ag to ekalen so olo.

Levitico 6:25

ya iter tod kinen Aaron tan saray anak to iray onggendan a totontonen a nipaakar ed saray bagat a para kasalanan. Say ayep ya ibagat a para kasalanan et pateyen ed nibaybay na altar a dimay panamateyan ed saray ayayep ya ibagat a popoolan. Masanton tuloy yan bagat.

Saray Bilang 6:12

tan isaklang to lamet ed Katawan so panaon to a sakey a Nazareo. Ag nibilang imay imbeneg a panaon to lapud adotakan imay nisaklang a buek to. Mangyakar na sakey taon a kordiro ya isaklang ton bagat a pambayar.