Levitico 6:7 - Maung A Balita Biblia

⁷ Say pari ibagat to so ayep a pangekal na kasalanan to yan too, et napirdona yan too.

Maung a Balita Biblia

⁷ Say pari ibagat to so ayep a pangekal na kasalanan to yan too, et napirdona yan too.

Levitico 6:7 Iomraidhean Croise

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Isaias 1:18

Say Katawan kuanto, “Gali dia natan, ta mampapalinewan itayo. Anggaman a marotarotak kayod kasalanan, pagmaliwen ta kayon malinis a singa yilo. Anggaman ya ambalangan singa dala iray kasalanan yo, pagmaliwen ta kayon singa kapotiy bagoy karniro.

Ezekiel 33:19

No ontondan mankasalanan so toon maoges tan manggawa lay kaptekan tan kamaungan, mambilay lapud saya.

Levitico 2:1

No say sakey a too et mangisaklang ed Katawan na bagat a trigo, nepeg to nin gilingen a pagmaliwen ya arina. Patoroan to na larak na oliba tan tapewan to na insinso,

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.

Levitico 4:31

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Levitico 5:10

Insan to isaklang imay sakey a manok a sakey a bagat a popoolan, onung ed saray totontonen. Diad onya say pari isaklang to so bagat a para kasalanan na sakey a too, et napirdona yan too.

Levitico 5:13

Diad onya say pari isaklang to so bagat a para kasalanan na sakey a too, et napirdona yan too. Say soluk ed samay arina kayaryan na pari, a singa say gawaen ed bagat a trigo.

Levitico 5:18

Nepeg a mangyakar ed pari na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario. Say pari isaklang to so bagat a pangekal na ag ginagalan kasalanan to yan too, et napirdona yan too.

Levitico 6:8

Say Katawan ingganggan toy Moises

Levitico 7:2

Say ayep a para sayan bagat et nepeg a pateyen diad nibaybay na altar a dimay panamateyan ed saray ayep ya ibagat a popoolan, tan say dala to et isibo ed saray apatiran dapag na altar.

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Mateo 12:31

Kanyan kuankod sikayo: napirdonay amin a kasalanan na too tan amin a maoges a lalabiren to balet ag balut napirdona so toon manlabir na bengatlan sumpad Ispiritu Santo.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.