Levitico 6:20 - Maung A Balita Biblia

²⁰ a nipaakar ed pangikonsagrad kinen Aaron tan saray lalakin anak to. Diad agew na pangikonsagrad siopaman ed sikara, sikatoy mangibagat ed Katawan na sakey kilon arina (singa karakel na samay inagew-agew a bagat a trigo), say kapaldua diad kabwasan tan say kapaldua diad labi.

Maung a Balita Biblia

²⁰ a nipaakar ed pangikonsagrad kinen Aaron tan saray lalakin anak to. Diad agew na pangikonsagrad siopaman ed sikara, sikatoy mangibagat ed Katawan na sakey kilon arina (singa karakel na samay inagew-agew a bagat a trigo), say kapaldua diad kabwasan tan say kapaldua diad labi.

Levitico 6:20 Iomraidhean Croise

1 Saray Awaran 23:29

Sikara met so makaoley ed saray tinapay ya imbagat ed Dios, diad arinan inkana ed saray panagbagat, diad saray maimpis a tinapay ya anggapoy libadura, diad saray bagat ya inggawan kanen, tan diad arinan inkames ed larak; sikara met so makaoley ed panagsimbang tan panagsukat na saray bagat ed Timplo.

Exodo 16:36

Say kapalduay litro et kakaplo na panagsukatan nen saman.)

Exodo 29:2

Ikanam so sankaabigan ya arina, balet ag mo lalaukan na libadura, diad panggawam na tinapay. Igawam ed larak na oliba so arum ya arina, say arum igawam ya anggapoy larak, tan say arum gawam a maimpis a kanen a pinoranisay larak.

Levitico 23:13

Katekep to ya, mangyapay kayo na sakey tan kapalduan kilon arina ya inkames ed larak na oliba a sikatoy bagat a popoolan. Say balingit na sayan bagat et makapaliket ed Katawan. Mangisaklang kayo met na sakey litron alak.

Levitico 5:1

Say bagat a para kasalanan et nakaukolan ed saray onggendan a kaso. No say sakey a too et tinawag na korti a mantasi et ag to ibaga so nipaakar ed anengneng odino nadngel to, nepeg a nadusa.

Levitico 5:11

No ag nayarian na sakey a too so mangibagat na duaran palekpek odino duaran malangwer a malapati lapud irap na bilay to, mangyakar na sakey kilon arina a bagat ton para kasalanan. Ag to laukan na larak na oliba odino insinso, lapud bagat a para kasalanan.

Levitico 6:11

Insan mansalat na kawes tan iyakar tod paway na kampo ira may dapul diad pasen a malinis onung ed ganggan.

Levitico 6:19

Say Katawan inter tod kinen Moises iray onggendan a totontonen

Saray Bilang 28:10

Sayan bagat a popoolan et isaklang kapag Agew na Panagpainawa tan kaaruman na bagat ya inagew-agew a katekep toy bagat ya alak.

Saray Bilang 28:3

Saraya so bagat a popoolan ya iyapay yod Katawan: para bagat ya inagew-agew, duaran sakey taon a kordiron kalakyan ya anggapoy deral na laman da.

Saray Bilang 4:16

Si Eleazar, a lakin anak nen pari ya Aaron, so makaoley ed intiron Tulda tan say larak a para saray lamparaan, say insinso, saray bagat a trigo, say ipopoyuk a larak, tan arum nin bengatlad dalem na Tulda a nisaklang ira ed Katawan.

Saray Hebreo 5:1

Balang Pangulon Pari et apilid saray totoo tan niganan mangilaman ed sikara diad panlingkur ed Dios. Mangyapay na saray saklang tan saray bagat lapud saray kasalanan.

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.