Levitico 6:18 - Maung A Balita Biblia

¹⁸ Diad amin a panaon ya onsabi siopaman ed saray lalakin kabyangay boleg nen Aaron et nayarin mangan ed saray akeraan ed bagat a trigo tan sikatoy betang da lawas ed saray bagat a popoolan ya insaklang ed Katawan. Siopamay arum a maniwit ed sayan bagat napasakitan na pakayari na inkasanto na bagat.

Maung a Balita Biblia

¹⁸ Diad amin a panaon ya onsabi siopaman ed saray lalakin kabyangay boleg nen Aaron et nayarin mangan ed saray akeraan ed bagat a trigo tan sikatoy betang da lawas ed saray bagat a popoolan ya insaklang ed Katawan. Siopamay arum a maniwit ed sayan bagat napasakitan na pakayari na inkasanto na bagat.

Levitico 6:18 Iomraidhean Croise

Exodo 29:37

Gawam ya ed loob na pitoran agew. Diad ontan magmaliw a sigput a masanto so altar, tan siopaman odino antokaman a makadiwit ed sayan altar et napasakitan, lapud pakayari na inkasanto to.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Levitico 4:24

Itapew tod olo na samay ayep so lima to, insan to pateyen ed nibaybay na altar a diay panamateyan ed saray ayep ya isaklang a bagat a popoolan. Sikato yay bagat a pangekal na kasalanan.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Levitico 4:33

Itapew tod olo na samay ayep so lima to insan to pateyen ed nibaybay na altar a diay panamateyan ed saray ayep ya isaklang a bagat a popoolan.

Levitico 6:10

Insan say pari ya akasolung na linen a tunika tan linen a pantalon a potut ekalen to ray dapul ya atilak ed altar tan iyan to ra ed dapag na samay altar.

Levitico 6:19

Say Katawan inter tod kinen Moises iray onggendan a totontonen

Levitico 6:27

Siopaman odino antokaman a makadiwit ed laman na samay ayep napasakitan na pakayari na inkasanto to. No napolasian na dala na samay ayep so dinan man a kawes nepeg ya ipesak ed masanton pasen.

Levitico 6:29

Siopamay lakin kabyangan na pamilyay pari et nayarian toy mangan ed sayan bagat; masanton tuloy yan bagat.

Levitico 7:6

Siopamay lakin kabyangan na pamilyay pari et nayarian toy mangan ed sayan bagat, balet nepeg a kanen ed sakey a masanton pasen, lapud masanton tuloy yan bagat.

Saray Bilang 18:10

Nepeg yo ran kanen ed masanton pasen, tan saray lalaki labat so nayarin mangan ed sikara; ipasen yon masanto ra.

Saray Bilang 18:8

Say Katawan kuantod kinen Aaron, “Ag mo lilingwanan ya iter kod sika iray amin a nidoma-doman bagat ya ag poolan ya isaklang da ray totoo. Iter ko rad sika tan saray kabyangay boleg mo, tan sikaray nabebetangan yo ed anggad angga.

1 CORINTO 9:13

Ag yo ta kabat a saray manlilingkur ed Timplo et diad Timplo met so pangaalaan day kakanen da, tan saray mangibabagat ed altar et minanabang irad saray ibabagat?

1 Pedro 1:16

Ta ibabagay Masanton Sulat, “Nepeg a masanto kayo, ta masanto ak.”

1 Pedro 2:9

Balet sikayoy apilin totoo, papari na Ari, sakey a bansan masanto, tan totoo na Dios. Say Dios pinili to kayon mangipulong na makapakelaw iran gawgawa to. Sikato met so anawag ed sikayod kabilongetan tan angyakar ed sikayod makapakelaw a liwawa to.