Levitico 6:13 - Maung A Balita Biblia

¹³ Nepeg a mandarlang lawas so apoy ed tapew na altar tan ag balut paolyan a naerep.

Maung a Balita Biblia

¹³ Nepeg a mandarlang lawas so apoy ed tapew na altar tan ag balut paolyan a naerep.

Levitico 6:13 Iomraidhean Croise

Exodo 29:1

“Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Exodo 29:2

Ikanam so sankaabigan ya arina, balet ag mo lalaukan na libadura, diad panggawam na tinapay. Igawam ed larak na oliba so arum ya arina, say arum igawam ya anggapoy larak, tan say arum gawam a maimpis a kanen a pinoranisay larak.

Exodo 29:40

Say ononan kordiro tekepan yo na sakey kilon pinon arina a nikames ed sakey a litron puron larak na oliba tan sakey a litron alak a sikatoy sakey a bagat.

Isaias 31:9

Ombatik ed takot so ari ra, tan diad gaway kataktakot na saray opisyal, ibatikan da ray bandira rad bakal.” Say Katawan so nansalita—say Katawan a nagagalang ed Jerusalem tan diman mandarlang so apoy to a pampopool ed saray bagat.

Ezekiel 40:46

tan samay kuarton akaarap ed baybay et para saray paparin manlilingkur ed altar. Si Sadoc so sengeg na amin da ray papari; sikara labat so kabyangay tribu nen Levi a naabuloyan ya onlad kawalaan na Katawan, ta manlingkur irad sikato.

Levitico 6:12

Nepeg a mandarlang lawas so apoy ed tapew na altar tan ag balut paolyan a naerep. Kapag kabwasan sungloran na pari so apoy, apigeren ton ilira iray bagat a popoolan a walad tapew na altar, tan poolan toy taba na bagat a para kareenan.

Levitico 6:14

Saray onggendan a totontonen et nipaakar ed saray bagat a trigo. Say sakey ed saray paparin anak nen Aaron et isaklang tod Katawan diad arap na altar so bagat a trigo.

Levitico 6:9

ya iter tod kinen Aaron tan saray lalakin anak to iray onggendan a totontonen a nipaakar ed saray bagat a popoolan. Say bagat a popoolan et nepeg ya itilak a sanlabi ed tapew na altar, tan nepeg a mandarlang lawas so apoy.

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.