Levitico 5:6 - Maung A Balita Biblia

⁶ tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Maung a Balita Biblia

⁶ tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 5:6 Iomraidhean Croise

Ezekiel 40:39

Diad sayan lolooban a kuarto walay apatiran lamisaan, duara ed kapag dapag na kuarto. Diad sarayan lamisaan so pamapapateyan na saray ayayep ya ibagat, a nayarin bagat a popoolan odino bagat a para kasalanan odino bagat a pambayar.

Ezekiel 42:13

Samay laki kuantod siak, “Masanto ra yan paalagey. Diad loob na sarayan kuarto, kanen na saray paparin onloob ed kawalaan na Katawan iray sankasantosan a bagat. Lapud masanto ra yan kuarto, ipasen dia na saray papari iray sankasantosan a bagat: saray trigon bagat tan saray bagat a nisaklang a para kasalanan odino bagat a pambayar.

Ezekiel 44:27

insan onloob ed patiod dalem na Timplo tan mangisaklang na bagat a para kasalanan to, pian nayarian toy manlingkur lamet ed Timplo. Siak a Katawan a Dios so nansalita.

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 4:28

et no nipakabat la ed sikato so kasalanan ya agawa to, mangyakar na kanding a kabatyan ya anggapoy deral na laman to insan to ibagat.

Levitico 4:31

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Levitico 4:32

No say sakey a too et manyakar na sakey a kordiro ya ibagat ton para kasalanan, nepeg a sakey a kabatyan ya anggapoy deral na laman to.

Levitico 4:35

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar a pati saray bagat a popoolan a nisaklang ed Katawan. Diad onya say pari isaklang toy bagat a para kasalanan na sakey a too, et napirdona yan too.

Levitico 6:6

Mangyakar ed pari na sakey a kalakyan a karniro odino kanding ya anggapoy deral na laman to, ta ibagat ton pambayar ed Katawan. Say bili na sayan bagat kuintaen onung ed panagkuinta ed santuario.

Saray Bilang 6:12

tan isaklang to lamet ed Katawan so panaon to a sakey a Nazareo. Ag nibilang imay imbeneg a panaon to lapud adotakan imay nisaklang a buek to. Mangyakar na sakey taon a kordiro ya isaklang ton bagat a pambayar.