Levitico 5:18 - Maung A Balita Biblia

¹⁸ Nepeg a mangyakar ed pari na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario. Say pari isaklang to so bagat a pangekal na ag ginagalan kasalanan to yan too, et napirdona yan too.

Maung a Balita Biblia

¹⁸ Nepeg a mangyakar ed pari na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario. Say pari isaklang to so bagat a pangekal na ag ginagalan kasalanan to yan too, et napirdona yan too.

Levitico 5:18 Iomraidhean Croise

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.

Levitico 1:4

Samay too itapew tod olo na samay baka so lima to, et diad ontan naawat imay baka a sakey a bagat a mangekal na saray kasalanan to.

Levitico 14:12

Insan say pari alaen to may sakey a kordiron kalakyan tan, katekep na samay taloran tan kapalduan litron larak, isaklang to a bagat a pambayar. Isaklang to a nidoma-doman rigalod Katawan a para pari.

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 5:17

No say sakey a too et ag to ginagalan asumlang so sakey ed saray ganggan na Katawan, nankasalanan tan nepeg a nadusa.

Levitico 5:19

Sakey yan bagat a pambayar ed kasalanan a ginawa to sumpad Katawan.

Saray Bilang 15:24

et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.