Levitico 5:16 - Maung A Balita Biblia

¹⁶ Nepeg ya iter toy ag to abayaran tan pasolukan to na kakalima. Iter to ya ed pari, tan say pari ibagat to so ayep a pangekal na kasalanan to yan too, et napirdona yan too.

Maung a Balita Biblia

¹⁶ Nepeg ya iter toy ag to abayaran tan pasolukan to na kakalima. Iter to ya ed pari, tan say pari ibagat to so ayep a pangekal na kasalanan to yan too, et napirdona yan too.

Levitico 5:16 Iomraidhean Croise

Saray Salmo 69:4

Saray mamobosul ed siak ya anggapoy makasengeg et amayamay ira nen saray buek na olok. Saray kabosul ko et mantitila ra sumpad siak; mabiskeg ira tan labay da ak a pateyen. Pinasoot dan ipawil ko ray bengatlan ag ko tinakew.

Exodo 22:1

“No say sakey a too et manakew na sakey a baka odino sakey a karniro tan pateyen to odino ilako to, nepeg to a bayaran na limaran baka so sakey a baka tan apatiran karniro so sakey a karniro.

Levitico 22:14

“No walay toon aliwan kabyangay pamilya na pari ya ag to ginagalay angan na antokaman a masanton bagat, nepeg a bayaran tod pari so bili na kinan to tan pasolukan to na kakalima.

Levitico 27:13

No samay too et labay ton dondonen imay ayep, nepeg a bayaran to may bili tan aruman to ni na kakalima.

Levitico 27:15

No say toon mangisaklang et labay ton dondonen imay abung, nepeg a bayaran to may bili tan aruman to ni na kakalima.

Levitico 27:27

balet say besag ya anak na marotak ya ayep onung ed ganggan et nayarin dondonen onung ed akuintan bili to tan aruman ni na kakalima. No ag narondon, nayarin ilako ed sananey a too onung ed akuintan bili to.

Levitico 27:31

No say sakey a too et labay ton dondonen so anggan dinan ed saraya, nepeg ton bayaran so akuintan bili tan aruman to ni na kakalima.

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.

Levitico 5:10

Insan to isaklang imay sakey a manok a sakey a bagat a popoolan, onung ed saray totontonen. Diad onya say pari isaklang to so bagat a para kasalanan na sakey a too, et napirdona yan too.

Levitico 5:13

Diad onya say pari isaklang to so bagat a para kasalanan na sakey a too, et napirdona yan too. Say soluk ed samay arina kayaryan na pari, a singa say gawaen ed bagat a trigo.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Levitico 7:2

Say ayep a para sayan bagat et nepeg a pateyen diad nibaybay na altar a dimay panamateyan ed saray ayep ya ibagat a popoolan, tan say dala to et isibo ed saray apatiran dapag na altar.

Saray Bilang 5:7

nepeg ton ipatuay kasalanan to tan mambayar ed toon nanggawaan toy maoges tan pasolukan to na kakalima.

Saray Bilang 5:8

Balet no inatey la may too tan anggapoy kanayon ton pambayaran, nepeg ya iter ed Katawan so bayar tan ikana na pari. Sayan bayar et kaaruman na karniron kalakyan ya ikana ed panggawa na sirimonyan panlinis ed samay toon nankasalanan.

Lucas 19:8

Inmalagey si Zaqueo tan inkuantod Katawan, “Iter koy kapalduay kayaryan ko ed saray mairap-bilay, Katawan; tan no wala bilang so sinaol ko, mamipat a karakel so ipawil ko.”

Saray Gawgawa 26:20

Nampupulong ak ya onona diad Damasco, insan diad Jerusalem tan diad intiron dalin na Judea, ontan met a diad saray Hintil. Impupulong kon nepeg day mampataulid saray kasalanan da tan ompawil irad Dios, tan ipanengneng day pampatauli ra diad panamegley na saray gawa.

1 Samuel 6:3

Inmebat ira, “No ipawil yoy Kaban na Sipanan na Dios na Israel, nepeg a walay ipila yon rigalo ya ibayar yod impankasalanan yo. Ag yo ipapawil ya anggapoy rigalo so Kaban na Sipanan. Diad saya, onabig kayo, tan naamtaan yo no akin et dudusaen to kayo.”