Levitico 4:31 - Maung A Balita Biblia

³¹ Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Maung a Balita Biblia

³¹ Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar. Makapaliket ed Katawan so balingit na sayan bagat. Diad onya say pari isaklang toy bagat a para kasalanan na sakey a too, et napirdona yan too.

Levitico 4:31 Iomraidhean Croise

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

Esdras 6:10

Nepeg ya onyay nagawa, pian makapangisaklang ira na saray bagat a makapaliket ed Dios na Tawen. Nipikasi rad satan ya iter na Dios so bindision tod siak tan saray lalakin anak ko.

Say Libro nen Job 42:8

Natan sirin, mangyakar kayod kinen Job na pitoran bakan kalakyan tan pitoran karniron kalakyan ta isaklang yo ran bagat a popoolan para sikayo. Ipikasi to kayo nen Job, et ebatan koy pikakasi yo tan ag ta ki la dusaen onung na kanepegan yo. Kanepegan yo komuy dusaen lapud ag yo sinalita so katwaan nipaakar ed siak, a singa ginawa nen Job.”

Exodo 29:18

Poolan mod tapew na altar so intiron karniro a sakey a bagat a popoolan. Makapaliket ed siak so balingit na sayan bagat.

Isaias 42:21

Say Katawan a Dios et mampilalek a mangilaban, kanyan itanduro to ray ganggan tan saray bangat to, tan labay to ya onuren ira na saray totoo to.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Levitico 1:13

Samay too et nepeg ton orasan iray loob-loob tan saray sali, insan samay pari iyapay tod Katawan imay bagat tan poolan ton intiro ed tapew na altar. Makapaliket ed Katawan so balingit na sayan bagat.

Levitico 1:17

Benbenan to ray payak tan pisagen to may manok balet ag to ilaus, insan to ipool ya intiro ed tapew na altar. Makapaliket ed Katawan so balingit na sayan bagat.

Levitico 1:9

Samay too et nepeg ton orasan iray loob-loob tan saray sali, insan say parin mangibabagat poolan tod tapew na altar imay intiron bagat. Makapaliket ed Katawan so balingit na sayan bagat.

Levitico 14:18

Ilana tod olo to may too imay akeraan a larak ed daklap to. Diad onya gawaen toy sirimonya na panlinis.

Levitico 15:15

Say pari ibagat toy sakey a para kasalanan tan say sakey ibagat ton popoolan. Diad onya gawaen toy sirimonya a panlinis ed too.

Levitico 19:22

Diad panamegley na sayan karniro say pari gawaen toy sirimonya na panlinis a pangekal na kasalanan na samay laki, et pirdonaen na Dios.

Levitico 2:2

insan to iyakar ed saray paparin anak nen Aaron. Say parin mangibabagat et alaen toy sankaakup ed samay arinan pinatoroan na larak tan amin imay insinso insan to ra poolan ed tapew na altar. Sikato yay pakapatnagan a nibagat lan amin ed Katawan imay arina. Makapaliket ed Katawan so balingit na sayan bagat.

Levitico 2:9

Samay pari mangalay daiset ed samay bagat, insan to poolan ed tapew na altar. Sikato yay pakapatnagan a nibagat lan amin imay kakanen. Makapaliket ed Katawan so balingit na sayan bagat a kakanen.

Levitico 4:19

Insan to alaen iray amin a taba to may baka tan poolan tod tapew na altar.

Levitico 4:26

Insan to poolan ed altar iray amin a taba to may ayep a singa pamool tod taba na saray ayep a pinatey ya ibagat a para kareenan. Diad onya say pari isaklang toy bagat a para kasalanan na samay manoley, et napirdona yan manoley.

Levitico 4:35

Ekalen to ray amin a taba to may ayep a singa pangekal ed taba na saray ayep a pinatey ya ibagat para kareenan, insan to ra poolan ed tapew na altar a pati saray bagat a popoolan a nisaklang ed Katawan. Diad onya say pari isaklang toy bagat a para kasalanan na sakey a too, et napirdona yan too.

Levitico 5:10

Insan to isaklang imay sakey a manok a sakey a bagat a popoolan, onung ed saray totontonen. Diad onya say pari isaklang to so bagat a para kasalanan na sakey a too, et napirdona yan too.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Saray Bilang 15:25

Say pari gawaen toy sirimonya a panlinis ed amin ya Israelita, et napirdona ra lapud ag da ginagala so impakalingo ra tan angyakar irad Katawan na bagat a para kasalalanan a sikatoy bagat a popoolan.

Mateo 3:17

Insan walay bosis a nanlapud tawen a nankuan, “Sikato yay inararok ya Anak; sikatoy pakaliliketan ko.”

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Hebreo 10:12

Si Cristo, balet, amimpinsan ya angibagat lapud saray kasalanan, tan duga la ya. Kasumpal to, inmirung ed nikawanay Dios.

Saray Hebreo 10:14

Kanyan diad panamegley na saksakey a bagat, ginawa ton nagnap ya andi-anggaan iray naorasan ed kasalanan.

Saray Hebreo 9:12

Amimpinsan a linmoob ed Sankasantosan a Pasen si Cristo, tan duga la man. Aliwan dala na saray kanding tan saray kilaw a baka so inawit ton ibagat, no ingen ag say dilin dala to, tan lapud saya inggamuran to itayoy karondon ya andi-anggaan.

1 Juan 1:7

Balet no mambilay itayo ed silew a singa sikato et walad silew, walay maung a pankakasakey tayo tan say dala na Anak ton Jesus et linisan to itayo ed amin a kasalanan.

Puyan 5:9

Kinanta ra yan balon kanta: “Sikay manepeg a mangalay babasaen a nilokut tan mangekal ed saray timbri to. Lapud pinatey ka, tan diad panamegley na dalam, dinondon mon para Dios iray katoowan, a manlapud amin a boleg, salita, totoo, tan bansa.