Levitico 4:28 - Maung A Balita Biblia

²⁸ et no nipakabat la ed sikato so kasalanan ya agawa to, mangyakar na kanding a kabatyan ya anggapoy deral na laman to insan to ibagat.

Maung a Balita Biblia

²⁸ et no nipakabat la ed sikato so kasalanan ya agawa to, mangyakar na kanding a kabatyan ya anggapoy deral na laman to insan to ibagat.

Levitico 4:28 Iomraidhean Croise

Genesis 3:15

Pambosulan ta ka tan samay bii; mambosulan lawas so anak mo tan say anak to. Temeken na anak to so olom tan ketketen mo so mokur da.”

Saray Salmo 90:8

Iiyan mod arap mo iray kasalanan mi, diad pasen a nanengneng mo ra iray maamut a kasalanan mi.

Isaias 7:14

Natan, say Katawan itdan to ka na sakey a tanda: walay sakey a marikit a malokun tan mananak na sakey a laki tan ngaranan to na Emmanuel.

Jeremias 31:22

Kapigan mangangga so panduaruwa yo, sikayon anggapoy pananisian totoo? Nanggawa ak na bengatlan balo tan nidoma, nidoma a singa sakey a bii ya iyaagel toy laki.”

Levitico 4:14

tan no akabatan la imay kasalanan ya agawa, saray katoowan mangisaklang ira na kilaw na bakan kalakyan a sakey a bagat a para kasalanan. Iyakar da so baka diad Tuldan Ayamay Katawan;

Levitico 4:23

tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Levitico 4:32

No say sakey a too et manyakar na sakey a kordiro ya ibagat ton para kasalanan, nepeg a sakey a kabatyan ya anggapoy deral na laman to.

Levitico 5:6

tan say dusay kasalanan to et say pangibagat tod Katawan na sakey a kabatyan a karniro odino kanding. Say pari isaklang to so bagat a para kasalanan to yan too.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.

TAGA GALACIA 3:28

Anggapo la siriy pandomaan da ray Judio tan saray Hintil, saray aripen tan saray aliwan aripen, saray lalaki tan saray bibii; saksakey kin amin diad pikakasakey yod Cristo Jesus.