Levitico 4:23 - Maung A Balita Biblia

²³ tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Maung a Balita Biblia

²³ tan no nipakabat la ed sikato so kasalanan ya agawa to, mangyakar na kanding a kalakyan ya anggapoy deral na laman to insan to ibagat.

Levitico 4:23 Iomraidhean Croise

Saray Salmo 90:8

Iiyan mod arap mo iray kasalanan mi, diad pasen a nanengneng mo ra iray maamut a kasalanan mi.

Ezekiel 43:22

Diad ontombuk ya agew nepeg moy mangala na sakey a kanding a kalakyan ya anggapon balut so deral na laman to, insan mo isaklang a bagat a para kasalanan. Linisan moy altar diad panamegley na dala to a singa samay ginawam ed bakan kalakyan.

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.

Levitico 23:19

Ontan met say sakey a kanding a kalakyan isaklang yon bagat a para kasalanan tan say duaran sakey taon a kordiro kalakyan isaklang yon bagat a para kareenan.

Levitico 4:14

tan no akabatan la imay kasalanan ya agawa, saray katoowan mangisaklang ira na kilaw na bakan kalakyan a sakey a bagat a para kasalanan. Iyakar da so baka diad Tuldan Ayamay Katawan;

Levitico 4:24

Itapew tod olo na samay ayep so lima to, insan to pateyen ed nibaybay na altar a diay panamateyan ed saray ayep ya isaklang a bagat a popoolan. Sikato yay bagat a pangekal na kasalanan.

Levitico 4:28

et no nipakabat la ed sikato so kasalanan ya agawa to, mangyakar na kanding a kabatyan ya anggapoy deral na laman to insan to ibagat.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Levitico 5:4

No say sakey a too et nansamban andi-nunotan, ya anggan antoy kipaakaran, sikatoy nankasalanan diad bektan abirbir to so ginawa to.

Levitico 9:3

Insan ibagam ed saray totood Israel a mangala ray sakey a kanding a kalakyan, ta ibagat da a para kasalanan, sakey taon a baka tan sakey taon a kordiro ya anggapoy deral na laman da, ta isaklang da ran bagat a popoolan,

Saray Bilang 15:24

et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.

Saray Bilang 28:15

Mangisaklang kayo na sakey a kanding a kalakyan ya ibagat a para kasalanan a sikatoy kaaruman na inagew-agew a bagat a popoolan a katekep toy bagat ya alak.

Saray Bilang 28:30

Mangyapay kayo met na sakey a kanding a kalakyan a sikatoy bagat a para kasalanan, et diad onya nagawa so sirimonyan panlinis ed saray totoo.

Saray Bilang 29:11

Mangyapay kayo met na sakey a kanding a kalakyan a sikatoy bagat a para kasalanan, a kaaruman na kanding a nibagat diad panggawa na sirimonyan panlinis ed saray totoo, tan say inagew-agew a bagat a popoolan a katekep toy bagat a trigo tan say bagat ya alak.

Saray Bilang 29:16

Mangyapay kayo met na sakey a kanding a kalakyan a sikatoy ibagat a para kasalanan. Iyapay yo ra ya a kaaruman na inagew-agew a bagat a popoolan a katekep toy bagat a trigo tan say bagat ya alak.

Saray Bilang 29:5

Mangyapay kayo met na sakey a kanding a kalakyan a sikatoy bagat a para kasalanan, et diad onya nagawa so sirimonya a panlinis ed saray totoo.

Saray Taga Roma 8:3

Say ag nagawaay Ganggan lapud kakapoyay inkatoo, ginawa lay Dios. Dinusa toy kasalanan ed inkatoo diad panamegley na impangibaki toy dilin Anak to a linma dian too a makapankasalanan, tan nagmaliw a bagat para kasalanan.