Levitico 4:21 - Maung A Balita Biblia

²¹ Insan to iyakar ed paway na kampo so baka tan poolan to a singa pamool tod bakan kalakyan a nibagat a para kasalanan to. Sikato ya so bagat a mangekal na kasalanan na katoowan.

Maung a Balita Biblia

²¹ Insan to iyakar ed paway na kampo so baka tan poolan to a singa pamool tod bakan kalakyan a nibagat a para kasalanan to. Sikato ya so bagat a mangekal na kasalanan na katoowan.

Levitico 4:21 Iomraidhean Croise

Esdras 8:35

Amin a pinmawil a nanlapud arum a bansan nibantakan da et angisaklang irad Dios na Israel na saray bagat a popoolan. Angibagat ira na labinduan bakan kalakyan para amin ya Israelita, anemaplo tan siam a karniron kalakyan, pitomplo tan piton kordiro; angibagat met ira na labinduan kanding pian napaandi ray kasalanan da. Amin da ra ya et bagat a popoolan ed Katawan.

Exodo 29:14

Balet poolan mod paway na kampo so laman na bakan kalakyan, say katat to tan say pait to; sikatoy bagat a para kasalanan.

Ezekiel 45:22

No ononan agew na pista say manoley a prinsipi et nepeg a mangibagat na sakey a bakan kalakyan a para saray kasalanan to tan saray kasalanan na amin a totoo.

Levitico 16:15

Kayari to ya, pateyen to may kanding ya ibagat a para saray kasalanan da ray totoo. Awiten to ed Sankasantosan a Pasen so dala to tan iwalsik tod samay sakub, insan diad arap na samay Kaban na Sipanan a singa ginawa tod dala na samay baka.

Levitico 16:21

Itapew ton duay lima to ed olo na samay kanding tan ipatua to dia iray amin a kaogsan, kasalanan, tan kasusumlang na saray totood Israel. Diad onya, niyalis to ra ya ed olo na samay kanding. Samay kanding et ibolus ed kalawakan na sakey a lakin apilin manggawa ed saya.

Levitico 16:27

Say laman na samay baka tan samay kanding ya imbagat a para kasalanan a say dala ra et niakar ed Sankasantosan a Pasen a pangekal na kasalanan, et iyakar irad paway na kampo tan diman ira poolan. Say katat, say karni, tan saray pait et poolan ira.

Levitico 4:13

No amin ya Israelita so nankasalanan ta asumlang dan ag ginagala so sakey ed saray ganggan na Katawan,

Levitico 4:20

No antoy gawaen tod bakan kalakyan ya ibagat a para kasalanan ontan met so gawaen tod sayan bakan kalakyan; onya so pangisaklang toy bagat a para kasalanan da ray katoowan, et napirdona so kasalanan da.

Levitico 6:11

Insan mansalat na kawes tan iyakar tod paway na kampo ira may dapul diad pasen a malinis onung ed ganggan.

Levitico 6:23

Anggapoy nayarin kanen ed bagat a trigo ya isaklang na pari; amin et nepeg a poolan.

Levitico 8:17

Inala to ray amin ya akeraan ed samay baka pati say katat to, say laman to, tan say pait to, insan to ra pinoolan ed paway na kampo onung na ingganggan na Katawan.

Saray Bilang 15:24

et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.

Mateo 20:28

a singa say Anak na Too ya ag linma dian palingkuran, no ag ingen manlingkur tan mangisaklang na bilay to, a panondon ed saray amayamay a totoo.”

2 CORINTO 5:21

Ag nankasalanay Cristo, balet lapud pankaabigan tayo, nibilang a makasalanan pian diad pikasakey tid sikato, nibilang itayon matonung ed arap na Dios.

Saray Hebreo 13:11

Say Pangulon Pari aawiten tod Sankasantosan a Pasen so dala na ayayep ya ibagat para saray kasalanan, balet saray laman da ra yan ayayep poolan ed paway na kampo.