Levitico 4:18 - Maung A Balita Biblia

¹⁸ Insan mangyan na daiset a dala diad saray pinagkasaklur ed saray suyok na altar na insinso diad dalem na Tulda. Samay keran dala iyibung tod leksab na altar a panagpoolan na saray bagat; sayan altar et walad lolooban na Tulda.

Maung a Balita Biblia

¹⁸ Insan mangyan na daiset a dala diad saray pinagkasaklur ed saray suyok na altar na insinso diad dalem na Tulda. Samay keran dala iyibung tod leksab na altar a panagpoolan na saray bagat; sayan altar et walad lolooban na Tulda.

Levitico 4:18 Iomraidhean Croise

2 Saray Awaran 29:22

Pinatey ya onona na saramay papari ira may bakan kalakyan, insan saramay karniro, insan saramay kordiro, tan inwawalsik dad altar so dala na balang ayep ya imbagat.

Exodo 29:12

Mangala kay daiset a dala na bakan kalakyan tan diad panamegley na tamorom iponaris mod saramay pinagkasaklur na altar. Say keran dala ikalbom ed leksab na altar.

Exodo 30:10

Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.”

Levitico 4:25

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray suyok na altar a panagpoolan na saray bagat, tan iyibung tod leksab na altar so kerad samay dala.

Levitico 4:30

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray suyok na altar a panagpoolan na saray bagat, tan iyibung tod leksab na altar so kerad samay dala.

Levitico 4:34

Say pari idelnet toy tamoro to ed dala na ayep, iponaris to may dalad tamoro to ed saray pinagkasaklur ed saray soyuk na altar a panagpoolan na saray bagat, tan iyibung tod leksab na altar so kerad samay dala.

Levitico 4:7

Insan mangyan na daiset a dala ed saray pinagkasaklur ed saray suyok na altar na insinso diad dalem na Tulda. Say keran dala iyibung tod leksab na altar a panagpoolan na saray bagat; sayan altar et walad lolooban na Tulda.

Levitico 5:9

Insan to iwalsik ed dapag na altar so daiset a dala to. Say arum a dala ipaterter tod leksab na altar. Sikato yay bagat a pangekal na kasalanan.

Levitico 6:30

Balet no walay dala a niakar ed dalem na Tulda tan nikana ed sirimonya a pangekal na kasalanan, say ayep ya akandala et ag nepeg a kanen; nepeg a poolan.

Levitico 8:15

Pinatey nen Moises imay baka tan inala to na dala. Insan diad panamegley na tamoro to pinoporanisan to na dala iray pinagkasaklur ed saray soyuk na altar pian nisaklang to. Kayari to ya, inibung tod leksab na altar so keran dala. Diad onya insaklang to tan nilinisan to onung ed ganggan.

Levitico 9:9

Saramay anak to inyakar dad sikato so dala, indelnet tod samay dala so tamoro to, pinoranisan to may pinagkasaklur ed saray suyok na altar, tan inibung tod leksab na altar so keran dala.