Levitico 3:9 - Maung A Balita Biblia

⁹ tan saray onggendan a parti na ayep isaklang dan bagat a popoolan ed Katawan: say taba, say mataban ikol a pinotut ed abay na tenten, amin a taban kinmolyaput ed saray loob-loob,

Maung a Balita Biblia

⁹ tan saray onggendan a parti na ayep isaklang dan bagat a popoolan ed Katawan: say taba, say mataban ikol a pinotut ed abay na tenten, amin a taban kinmolyaput ed saray loob-loob,

Levitico 3:9 Iomraidhean Croise

2 Samuel 6:17

Inyakar day Kaban na Sipanan tan inyan dad pasen to diad dalem na tulda ya imparaan nen David a panginan. Insan angisaklang ed Katawan na saray bagat a popoolan tan bagat a para kareenan.

1 Saray Arari 3:15

Abangon si Solomon, insan to naamtaan ya akisalitad sikato so Dios diad panamegley na kogip. Insan linmad Jerusalem, nanalagey ed arap na Kaban na Sipanan na Katawan tan angisaklang ed Katawan na bagat a popoolan tan say bagat a para kareenan. Kayari to ya, nanggaway baleg a ponsia a para saray amin ya opisyal to.

1 Saray Arari 8:63

Duamplo tan duan libon baka tan sanlasus tan duamplon libon karniro so insaklang nen Solomon a bagat a para kareenan. Diad onya insaklang nen Solomon tan amin da ray totoo so Timplo.

1 Saray Arari 8:64

Diad saman met ya agew insaklang met nen Solomon ed Katawan so pegley a parti na patio a walad arap na Timplo, insan angisaklang diman na saray bagat a popoolan, saray bagat a trigo, tan say taba na saray bagat a para kareenan. Dia to ra insaklang ta say gansan altar et melag a pangisaklangan ed sarayan bagat.

1 Saray Awaran 16:1

Inyakar da may Kaban na Sipanan ed tuldan imparaan nen David tan inyan dad dalem to. Insan angisaklang irad Dios na saray bagat a popoolan tan saray bagat a para kareenan.

Exodo 29:22

“Gerger moy taba na karniron kalakyan, say taba na ikul, say taba na saray loob-loob, say sankaabigan a parti na altey, saray duaran batuk a pati taba ra, tan say kawanan ya ulpo.

Probirbio 23:26

Anak ko, dengel kan maung ed siak, tan alig mo ak ed kabibilay ko.

Isaias 53:10

Say Katawan kuanto, “Linawak a sikatoy manirap; sakey a bagat a makapirdonay kasalanan so impatey to. Kanyan nanengneng to ray kabyangay boleg to; andokey so pambilay to, tan diad panamegley to maung so pansumpalay getmak.

Levitico 17:5

Say kabaliksan to yan ganggan et saya: saray Israelita et iyakar da la natan ed Katawan iray ayep a diad kaalogan so pamapateyan da nen saman. Awiten da la ra natan ed pari diad lolooban na Tulda tan pateyen da ran ibagat a para kareenan.

Levitico 7:3

Amin a taba ekalen tan ibagat ed tapew na altar: say mataban ikol, say taban kinmolyaput ed saray loob-loob,

Levitico 8:25

Inala toy taba, saray mataban ikol, amin a taban kinmulyaput ed saray loob-loob, say sankaabigan a parti na altey, saray batuk a pati taba ra, tan say kamanonan kawanan a sali.

Levitico 9:19

Si Aaron intapew tod saray pagew na samay baka tan samay karniro iray taba, say mataban ikol, say taban kinmulyaput ed saray loob-loob, saray batuk, tan say sankaabigan a parti na altey insan to ra inyakar ya amin ed altar. Pinoolan tod tapew na altar iray taba

1 Samuel 10:8

Onaan mo ak ya onlad Gilgal, a diman ta ka banaen tan mangisaklang ak na saray bagat a popoolan tan saray bagat a para kareenan. Manalagar kad man na pitoy agew ya anggad isabik tan ibagak ed sika ray gawaen mo.”