Levitico 3:1 - Maung A Balita Biblia

¹ No say sakey a too et mangisaklang ed Katawan na bagat a para kareenan tan sakey ed saray baka to so ibagat to, nepeg a sakey a kalakyan odino kabatyan ya anggapoy deral na laman to.

Maung a Balita Biblia

¹ No say sakey a too et mangisaklang ed Katawan na bagat a para kareenan tan sakey ed saray baka to so ibagat to, nepeg a sakey a kalakyan odino kabatyan ya anggapoy deral na laman to.

Levitico 3:1 Iomraidhean Croise

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

Exodo 20:24

Manggawa kayo na dalin ya altar a para siak tan diad tapew to so pambagatan yo na karniro yo tan baka yo a sikaray bagat a popoolan tan bagat a para kareenan. Diad amin a pasen ya ibiig kon pangigalangan yod siak, onla ak ed sikayo tan bindisionan ta kayo.

Exodo 24:5

Insan angibaki na saray tobun-balon lalaki tan angisaklang irad Katawan na saray bagat a popoolan tan pigaran baka a bagat a para kareenan.

Exodo 29:28

Nepeg ya ag balut naoman yan imbagak; no saray totoo et mangisaklang ira na saray bagat a para kareenan, say pagew tan say ulpo na ayep et kayaryan ira na saray papari. Sikato yay rigalod siak a Katawan na saray totoo.

Probirbio 7:14

“Angisaklang ak na saray bagat ko natan tan insempet koy karni ed saramay bagat ko.

Ezekiel 43:27

Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.”

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Levitico 1:3

No sakey ed saray baka to so isaklang ton bagat a popoolan, nepeg a bakan kalakyan ya anggapoy deral na laman to. Nepeg ton isaklang so baka diad lolooban na samay Tulda pian awaten na Katawan so mangisaklang.

Levitico 17:5

Say kabaliksan to yan ganggan et saya: saray Israelita et iyakar da la natan ed Katawan iray ayep a diad kaalogan so pamapateyan da nen saman. Awiten da la ra natan ed pari diad lolooban na Tulda tan pateyen da ran ibagat a para kareenan.

Levitico 3:6

No sakey a karniro odino sakey a kanding so ibagat a para kareenan, nayarin sakey a kalakyan odino kabatyan, balet nepeg ya anggapoy deral na laman to.

Levitico 9:18

Pinatey to may bakan kalakyan tan samay karniron kalakyan, ta ibagat ira a para kareenan; sakey yan bagat a para saray totoo. Saramay anak ton lalaki inyakar dad sikato so dala, tan insibo to ed apatiran dapag na altar.

Levitico 9:4

tan sakey a bakan kalakyan tan sakey a kordiron kalakyan ta ibagat da ran para kareenan. Ibagat da ra ya ed Katawan a katekep da so bagat a trigo ya inkames ed larak. Nepeg da yan gawaen ta say Katawan mampanengneng ed sikara natan.”

Amos 5:22

No mangyakar kayod siak na saray bagat a popoolan tan saray bagat a trigo ag ko ra awaten. Ag ko awaten iray pinataba yon ayayep ya iyakar yon bagat ed siak.

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.”

Malakias 1:8

Abaloan yo ya anggapoy kaogsan so pangibabagat yod siak na bulag odino mansasakit, odino piley ya ayep? Sali yo pay mangiter ed gobirnador na onman a klasiy ayep? Manliket kasid sikayo odino mangiter kasi na panangasi ed sikayo?”

Saray Bilang 15:8

No sakey a bakan kalakyan so isaklang ed Katawan a sakey a bagat a popoolan odino sakey a bagat a panumpal na sipan odino sakey a bagat a para kareenan,

Saray Bilang 6:14

tan iyapay tod Katawan so taloran ayep ya anggapoy deral na laman da: sakey taon a kordiron kalakyan a para bagat a popoolan, sakey taon a kabatyan a kordiron ibagat a para kasalanan, tan sakey taon a karniron kalakyan ya ibagat a para kareenan.

Deuteronomio 12:27

Isaklang yod man ed altar na Katawan iray bagat yon popoolan. Isaklang yod man met iray bagat a kanen yoy karni ra tan ikalbo yod altar so dala ra.

COLOSAS 1:20

Nilabay met na Dios ya ompawil so sankamundoan ed sikato diad panamegley na Anak. Diad panamegley na impatey ed krus na Anak na Dios, nanggaway kareenan tan pinapawil tod sikaton dili so amin a bengatlan walad tawen tan walad tapew na dalin.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

1 Juan 1:3

No antoy anengneng tan nadngel mi sikatoy ibaga mi met ed sikayo, pian nakaiba mi kayo ed pikakasakey mid Ama tan diad Anak ton Jesu-Cristo.

Saray Huis 20:26

Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

Saray Huis 21:4

Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.