Levitico 27:30 - Maung A Balita Biblia

³⁰ Say kakaplo na amin a bungay dalin, trigo man odino bungay kiew, et kayaryan na Katawan.

Maung a Balita Biblia

³⁰ Say kakaplo na amin a bungay dalin, trigo man odino bungay kiew, et kayaryan na Katawan.

Levitico 27:30 Iomraidhean Croise

Genesis 14:20

Nagalang komun so Sankatageyan a Dios ya angiter ed sikay pananalod saray kalaban mo.” Inter nen Abram ed kinen Melkisedek so kakaplo na amin ya asamsam to.

Genesis 28:22

sayan bato a ginawak a pakanudnunotan et magmaliw a pasen a pangigalangan ed sika, tan iter koy kakaplo na amin ya iter mod siak.”

Genesis 47:24

No panagani, iter yoy kakalima ed ari. Say kera ikana yon bini tan tagano yo tan tagano na saray pamilya yo.”

Genesis 47:26

Kanyan impaakseb nen Jose so sakey a ganggan ed Egipto a kayaryan na ari so kakalima na ani. Wala ni yan ganggan ya anggad natan. Saray dalin labat na papari so ag kayaryan na ari.

2 Saray Awaran 31:12

insan da insinup iray amin a rigalo tan saray kakaplo pian anggapoy nabalang. Anoro ra na sakey a Levitan si Conanias a sikatoy makaoley ed saramay kuarto tan tinoro ran katulong to si agi ton laki a si Simei.

Nehemias 12:44

Diad saman a panaon nipasen iray pigaran lalaki a makaoley ed saray kuarton panagsinupan na saray tulong para Timplo a pati saray kakaplo, tan say trigon ononan anien tan say bungan ononan borboren kapag taon. Sarayan totoo so makaoley a manala, diad kaalogan na nandoroman siudad, na saray rigalon iter na totoo a para saray papari tan saray Levita onung na ibabagay Ganggan. Aliketan ya amin iray totoo na Juda ed saray papari tan saray Levita

Nehemias 13:12

Inggapo lamet na saray totood Israel so mangyakar ed saray kuarton panagsinupan ed Timplo na kakaplo na trigo, alak, tan larak na oliba ra.

Nehemias 13:5

Inabuloyan ton ikana nen Tobias so sakey a baleg a kuarto a nigana a pangisinupan labat na saray bagat a trigo tan insinso, saray kagawaan ya ikakanad Timplo, saray bagat a para saray papari, tan saray kakaplo na trigo, alak, tan larak na oliba a rigalod saray Levita, saray tumutogtog tan saray kumakantad Timplo, tan saray guardiad Timplo.

Levitico 27:29

Anggan say toon nisaklang a sigput ed Katawan et ag la nayarin dondonen; nakaukolan a pateyen.

Levitico 27:31

No say sakey a too et labay ton dondonen so anggan dinan ed saraya, nepeg ton bayaran so akuintan bili tan aruman to ni na kakalima.

Mateo 23:23

“Pakaskasi ki la, sikayon iskriba tan sikayon Pariseo! Mansimpisimpitan a totoo! Iiter yoy kakaplo na anggan saray rikado a singa say yirbabuina, anis, tan kumino, balet ag yo susumpalen iray lalon ambelat ya ibabagay Ganggan a singa say katonungan, say panangasi, tan say inkamatoor. Nepeg yo ra yan sumpalen, balet ag yo met papaolyan iray arum a ganggan.

Lucas 11:42

“Pakaskasi ki la, sikayon Pariseo! Iiter yoy kakaplo na anggan saray rikado, a singa say paminta, bawang, tan amin a pising, balet sasaolen yoy kapara yon totoo tan ag yo aaroey Dios. Nepeg a gawaen yo ra ya, balet ag yo papaolyan iray arum a ganggan.

Lucas 18:12

Mamidwa ak a manaayuno ed loob na sakey simba, tan iiter koy kakaplo na amin a nanaalmoan ko!’

Deuteronomio 18:8

Sikatoy nepeg a mangawat na kakanen a singa karakel na aawaten da ray arum a papari; tan nayari ton isinup so antokaman ya ipawit ed sikato na saray kabyangay pamilya to.

Deuteronomio 26:12

“Kapag kumatlon taon iter yod saray Levita, saray sangkaili, saray olila, tan saray bibiin balo, so kakaplon bunga na saray tanaman yo, pian iner man a baley walay napambilay da. No agawaan yo la ya,