Levitico 27:3 - Maung A Balita Biblia

^3-7 onung ed panagkuinta ed santuario: –matakken a laki, duamplo ya anggad anemaploy taon: limamplon kuartan pilak –matakken a bii: talomplon kuartan pilak –tobun-balon laki, limara ya anggad duamploy taon: duamplon kuartan pilak –tobun-balon bii: samploran kuartan pilak –ogaw a laki, sakey bulan ya anggad limay taon: limaran kuartan pilak –ogaw a bii: taloran kuartan pilak –lakin mantaon na masoluk ya anemaplo: labinliman kuartan pilak –biin mantaon na masoluk ya anemaplo: samploran kuartan pilak

Maung a Balita Biblia

^3-7 onung ed panagkuinta ed santuario: -matakken a laki, duamplo ya anggad anemaploy taon: limamplon kuartan pilak -matakken a bii: talomplon kuartan pilak -tobun-balon laki, limara ya anggad duamploy taon: duamplon kuartan pilak -tobun-balon bii: samploran kuartan pilak -ogaw a laki, sakey bulan ya anggad limay taon: limaran kuartan pilak -ogaw a bii: taloran kuartan pilak -lakin mantaon na masoluk ya anemaplo: labinliman kuartan pilak -biin mantaon na masoluk ya anemaplo: samploran kuartan pilak.

Levitico 27:3 Iomraidhean Croise

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

Exodo 30:13

Balang sakey ed saray totoon bilangen et nepeg a mangiter na nakaukolan a bayar onung ed panagsimbang ed santuario. Balang sakey nepeg a bayaran to ya, tan sakey yan bagat ed siak.

Exodo 38:24

Amin a balituk a nisaklang ed Katawan ya inkana rad impamaalagey na Tulda et mambelat na siam a lasus tan siamaplo tan anem a kilo, onung na panagsimbang ed santuario.

Levitico 27:14

No say sakey a too et labay ton isaklang ed Katawan so abung to, say pari kuintaen toy bili onung ed kaabigan odino kakapoyan to may abung, tan ag la naoman so bili.

Levitico 27:25

Amin a bili nepeg a kuintaen onung ed panagkuinta ed santuario.

Levitico 5:15

No say sakey a too et nankasalanan ya ag to ginagala lapud ag to impangiter na saray babayaran a masantod Katawan, nepeg a mangyakar na sakey a kalakyan a karniro odino kanding ya anggapoy deral na laman to, ta ibagat to a pambayar. Say bili na sayan bagat kuintaen onung ed panagkuinta ed santuario.

Levitico 6:6

Mangyakar ed pari na sakey a kalakyan a karniro odino kanding ya anggapoy deral na laman to, ta ibagat ton pambayar ed Katawan. Say bili na sayan bagat kuintaen onung ed panagkuinta ed santuario.

Saray Bilang 18:16

Saray pangulowan ya anak nepeg a narondon ira no sakey bulan la ra; say nigetar a panondon ed sikara et limaran pilak a kuarta onung ed panagkuinta ed santuario.

Saray Bilang 3:47

Kapag sakey ya anak dondon mo na limaran kuartan pilak, onung ed panagkuintad santuario.