Levitico 27:28 - Maung A Balita Biblia

²⁸ Ag nayarin ilako o dondonen na sakey a too so insaklang ton sigput ed Katawan; nayarin too, ayep, odino dalin. Masanto tan anggad anggan kayaryan na Katawan yan insaklang to.

Maung a Balita Biblia

²⁸ Ag nayarin ilako o dondonen na sakey a too so insaklang ton sigput ed Katawan; nayarin too, ayep, odino dalin. Masanto tan anggad anggan kayaryan na Katawan yan insaklang to.

Levitico 27:28 Iomraidhean Croise

2 Saray Awaran 31:14

Si Core a lakin anak nen Imna tan sakey a Levita a pangulo da ray guardia ed Puirtay Bokig na Timplo, so makaoley a manawat tan mangibunog na saray rigalon nisaklang ed Katawan.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Ezekiel 44:29

Saray bagat a trigo, saray bagat a para kasalanan, tan saray bagat a pambayar et tagano na saray papari, tan sikaray mangawat na amin a bengatlan nibiig a para siak diad Israel.

Ezekiel 48:14

Sankaabigan a parti ed intiron dalin so pasen a nisaklang ed Katawan, tan anggapoy antokaman a parti na sayan pasen a nilako, nisalat, odino nialis ed siopaman. Masanto yan pasen tan kayaryan na Katawan.

Levitico 21:22

Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;

Levitico 27:21

Diad arapen a Taon na Panangipawil say alog et magmaliw a masanto tan anggad anggan kayaryan na Katawan; kayaryanen la na saray papari.

Levitico 27:27

balet say besag ya anak na marotak ya ayep onung ed ganggan et nayarin dondonen onung ed akuintan bili to tan aruman ni na kakalima. No ag narondon, nayarin ilako ed sananey a too onung ed akuintan bili to.

Levitico 27:29

Anggan say toon nisaklang a sigput ed Katawan et ag la nayarin dondonen; nakaukolan a pateyen.

Saray Bilang 18:14

“Amin a bengatlad Israel a nisaklang ed siak et kayaryan yo ra.

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Saray Taga Roma 9:3

Lapud sikara, labalabay ko lay anggan nisamba na Dios tan nisian ed Cristo.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

TAGA GALACIA 3:10

Amin da ray manmamatalek ed panangonur ed Ganggan, wala rad silong na sakey a samba. Ta ibabagay Masanton Sulat, “Nisamba so balang sakey ya ag ononur ed amin a nisulat ed libro na Ganggan!”

TAGA GALACIA 3:13

Dinondon to itayo nen Cristo manlapud samban iter na Ganggan nen sikatoy adusa a singa sakey ya nisamba para sikatayo; ta ibabagay Masanton Sulat, “Nisamba na Dios so siopaman a nibitin ed kiew.”

Deuteronomio 25:19

Ontan sirin, no niiter lad sikayo na Katawan a Dios yo so dalin tan inyarawi to kayo lad kaatapan ya iter na saray kalaban yod kaliber-liber yo, patey yo ray amin a Amalecita, pian anggapo lay makanunot ed sikara. Ag yo ya lilingoanan!

Deuteronomio 7:26

Ag kayo mangisesempet na anggan dinan ed sarayan talintaoy diriyos, ta ompan nipelag met ed sikayo so samban walad sikara. Nepeg yon bosulen tan sumpaen ira yan talintaoy diriyos, lapud insamba ra na Katawan.

Josue 6:26

Diad sayan panaon si Josue impaakseb toy sakey a pasakbay: “Siopamay mamasimbalon mamaalagey ed siudad na Jerico et nagawad sikato yan samba na Katawan, Siopamay mangiletneg na pundasion to nabalang toy sankapangulowanan ya anak ton laki; Siopamay mamaalagey na saray puirta to, nabalang toy sankayogtanan ya anak ton laki.”

Josue 7:1

Ag asumpal imay ganggan na Katawan ed saray Israelita ya ag iran balut mangala ed Jerico na antokaman a nepeg a deralen, ta angala si Acan. Lapud saya mapalaloy pasnuk na Katawan ed sikara. (Si Acan et anak nen Carmi tan apo nen Sabdi, tan kabyangan na boleg nen Zera a kabyangan na tribu nen Juda.)

Josue 7:25

Insan inkuanen Josue, “Akin et impelag mod sikamiy gunigon? Ipelag natan na Katawan so gunigon ed sika!” Amin da ray totoo sirin tinutupak da si Acan ya anggad ag to impatey; tinutupak tan pinopoolan da met iray kabyangay pamilya to tan amin a kayaryan to.

Saray Huis 21:11

Patey yo ray amin a lalaki tan amin a biin aliwan birhin.”

Saray Huis 21:18

Balet ag tayo ra nayarin pangasawaen ed saray anak tayo, lapud sinambaan tayo a nisamba so siopaman a mangyabuloy ya asawaen na Benjaminita so anak to.”

Saray Huis 21:5

Tinepet da, “Walay grupo ed amin da ray tribu na Israel ya ag akitipon ed arap na Katawan diad Mizpa?” (Sinambaan da nen saman a siopamay ag linmad Mizpa et nepeg a pateyen).

1 Samuel 15:18

tan ingganggan to kan mamatey ed saray Amalecitan maoges a totoo. Imbaga ton labanan yo ra ya anggad napatey yo ran amin.

1 Samuel 15:3

Laka, ta dogpaan mo ray Amalecita, tan deral mon sigput so antokaman a walad sikara. Ag kan balut mangikekera; patey mo ray amin a lalaki, bibii, ogogaw, tan amin a kapangyanak; saray baka, karniro, kamilyo, tan saray asno.”