Levitico 26:9 - Maung A Balita Biblia

⁹ Bindisionan ta kayo tan itdan ta kayo na amayamay ya anak; sumpalen koy kanepegan ko ed impisipanan kod sikayo.

Maung a Balita Biblia

⁹ Bindisionan ta kayo tan itdan ta kayo na amayamay ya anak; sumpalen koy kanepegan ko ed impisipanan kod sikayo.

Levitico 26:9 Iomraidhean Croise

Genesis 1:28

binindisionan to ra, tan inkuantod sikara, “Mamparakel kayoy anak, makmakan yoy intiron mundo, tan oleyan yo. Oleyan yo ray sira, saray manok, tan amin iray ayayep.

Genesis 17:20

Dinengel koy kerew mo nipaakar ed kinen Ismael, kanyan bindisionan ko tan itdan koy amayamay ya anak tan amayamay a kabyangay boleg. Magmaliw ya ama na labinduan prinsipi, tan pagmaliwen kon sakey a bansa iray kabyangay boleg to.

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 26:4

Singa karakel na bitewen ed tawen iray iter kod sikan kabyangay boleg mo, tan iter ko yan amin a pasen ed sikara. Amin a bansa kerewen dad siak a bindisionan ko ra a singa pamindision kod saray kabyangay boleg mo.

Genesis 28:14

Magmaliw iran singa karakel na dabuk ed dalin. Onkayat ira ed amin a sokung na mundo, tan diad panamegley mo tan saray kabyangay boleg mo, bindisionan ko ray amin a bansa.

Genesis 28:3

Bindisionan komun na Dios a Makapanyarin-amin so pangasawam tan itdan to ka komuy amayamay ya anak, pian magmaliw kan ama na amayamay a bansa.

Genesis 48:4

Inkuantod siak, ‘Parakelen kon maung so kabyangay pamilyam, pian magmaliw ya amayamay a bansa iray kabyangay boleg mo; iter kod saray kabyangay boleg mo yan dalin tan kayaryanen da ed anggad angga.’”

Genesis 6:18

balet misipanan ak ed sika. Loob kayod samay biong, sika tan say asawam, saray anak mo tan saray kaasawaan da.

1 Saray Arari 3:8

Wadya ak sirin a manoley ed saray totoon pinilim a kayaryan mo; ag ira nabilang lapud dakerakel la ra.

2 Saray Arari 13:23

balet mapangasi tan maabagey so Katawan ed sikara. Ag to inyabuloy a naderal ira, no ag ingen tinulongan to ra, lapud impisipanan tod kindi Abraham, Isaac, tan Jacob. Ag to nilingwanan iray totoo to.

Nehemias 2:20

Inmebat ak, “Pampalaboen kami na Dios na Tawen. Sikami ray aripen to, kanyan igapo miy pangipaalagey. Balet sikayo, anggapoy kanepegan yon mangayaryan na bengatla ed Jerusalem. Anggapoy pibibiang yod saray agawgawad sayan siudad.”

Nehemias 9:23

Initdan mo ray anak a say karakel da et singa karakel na bitewen ed tawen; inyabuloy mon nadakep da tan napanayaman da so dalin ya insipan mon iter ed saray lalaki ra.

Saray Salmo 107:38

Binindisionan to ray totoo to et nanaanak iray amayamay; ag to inabuloyan ya ondaiset iray baka ra.

Saray Salmo 89:3

Imbagam, “Akisipanan ak ed toon pinilik; sinambaan kod managlingkur kon David,

Exodo 1:7

Balet amayamay iray anak tan apo na saman a kailalakan, a salanti saray Israelita; dinmakerakel ira tan nagmaliw iran makapanyarin tuloy, kanyan kinmayat iran nanayam ed intiron bansa na Egipto.

Exodo 2:25

Say Dios anengneng toy pakakaaripen da ray Israelita tan inabagey to ra.

Exodo 6:4

Akisipanan ak met ed sikara; insipan kon iter ed sikaray dalin na Canaan, say dalin a nanayaman da nen sangkaili rad man.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Jeremias 23:4

Manoro ak na saray manoley a manasikasod sikara. Ag la rad satan ontakot odino nataktakot, tan anggapod sikaray nabalang. Siak, say Katawan, so nansalita.”

Jeremias 33:3

“Tawag kad siak, et ebatan ta ka; ibagak ed sika ray makapakelaw tan niamut a bengatlan ag mo ni ra akabatan.

Ezekiel 16:62

Pasimbaloen koy impisipanan kod sika, et naamtaan mo a siak so Katawan.

Ezekiel 36:9

Wala ak ed diking yo, tan andi-duaruwa a nabaka lamet so dalin yo tan nataneman.

Levitico 26:15

No ag yo onuren iray ganggan tan saray bilin ko tan deralen yoy impisipanan kod sikayo,

Lucas 1:72

Imbaga to met a kasian to ray lalaki tayo, tan nunoten toy masanton impisipanan to.

Deuteronomio 28:11

Say Katawan itdan to kayo na amayamay ya anak, amayamay a baka, tan daakan a bunga na saray tanaman diad dalin ya insipan tod saray lalaki yo ya iter tod sikayo.

Deuteronomio 28:4

“Say Katawan bindisionan to kayo na amayamay ya anak, daakan a bunga na saray tanaman, tan amayamay a baka tan karniro.

Deuteronomio 7:13

Aroen to kayo tan bindisionan to kayo, pian ondakel so bilang yo tan nawalaan kayoy amayamay ya anak; bindisionan toy kaalogan yo, pian nawalaan kayoy trigo, alak, tan larak na oliba; tan bindisionan to kayo diad pangiter tod sikayo na amayamay a baka tan karniro. Iter to ra yan amin a bindision ed sikayo diad dalin ya insipan tod saray lalaki yo ya iter ed sikayo.

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.