Levitico 26:8 - Maung A Balita Biblia

⁸ say limarad sikayo taloen day sanlasus tan say sanlasus taloen day samplon libo.

Maung a Balita Biblia

⁸ say limarad sikayo taloen day sanlasus tan say sanlasus taloen day samplon libo.

Levitico 26:8 Iomraidhean Croise

1 Saray Awaran 11:11

Say onona si Jasobeam a kabyangay boleg nen Hacmon, tan sikatoy pangulo na “Saray Talora.” Inkana toy pika diad impilaban tod talon lasus a lalaki tan apatey to ran amin legan na sakey a bakal.

1 Saray Awaran 11:20

Say lakin agi nen Joab a si Abisai so pangulo da ray “Talomplon Bantug.” Inkana toy pika diad impilaban tod talon lasus a lalaki tan pinapatey to ra, kanyan nagmaliw a bantug ed “Saray Talomplo.”

Ester 9:16

Nantotogyup met iray Judio ed saray luyag tan inyagel day sikaran dili. Pitomplo tan liman libon totoo so pinapatey dan mamobosul ed sikara. Balet ag da met diniwit so kayamanan na saray pinatey da.

Levitico 26:7

Taloen yo ray kalaban yo;

Zacarias 12:8

Diad satan a panaon iyagel na Katawan iray manaayam ed Jerusalem, et anggan say sankakapoyan ed sikara magmaliw a mabiskeg a singa samay kinabiskeg nen David. Saray kabyangay boleg nen David et mangipangulo ran singa anghil na Katawan, singa say Dios a dili.

Saray Bilang 14:9

Ag kayo onsusumlang ed Katawan tan ag kayo ontatakot ed saray totoon manaayam diman. Mainomay tayo ran dakepen. Say Katawan kaolup to itayo tan tinalo to ray diriyos ya angyagel ed sikara; kanyan ag kayo natatakot.”

Saray Bilang 31:4

Mangibaki na sanlibon lalakin mibakal so kapag tribu na Israel.”

Deuteronomio 28:7

“Say Katawan taloen to ray kalaban yo no dogpaan da kayo. Dogpaan da kayo ed sakey a dapag, balet ibatikan da kayod amin a dapag.

Deuteronomio 32:30

Akin et tinalo na sakey a too so sanlibon totoo, tan duara so samplon libo? Say Katawan a Dios da et inkaindan to ra; say makapanyarin Dios da impalima to rad kalaban da.

Josue 23:10

Anggan siopad sikayo nayarian ton pabatiken so sanlibon lalaki, ta mibabakal a para sikayo so Katawan a Dios yo, onung na insipan tod sikayo.

Saray Huis 15:15

Insan akarumog na pokel na saray pangal na asno ya agano nin inatey. Ginawat ton inala, tan sikatoy impamatey to na sanlibon Filisteo.