Levitico 26:39 - Maung A Balita Biblia

³⁹ Saray daiset a nakeraan ed sikayo diad dalin da ray kalaban yo et nakalkalnaan iran ompatey lapud dilin kasalanan yo tan lapud kasalanan na saray lalaki yo.

Maung a Balita Biblia

³⁹ Saray daiset a nakeraan ed sikayo diad dalin da ray kalaban yo et nakalkalnaan iran ompatey lapud dilin kasalanan yo tan lapud kasalanan na saray lalaki yo.

Levitico 26:39 Iomraidhean Croise

2 Saray Awaran 34:24

ira yan salita na Katawan: “Dusaen koy Jerusalem tan amin da ray totoo to onung ed saray samban nisulat ed samay libron nibasa ed ari.

Esdras 9:7

Nanlapu lad panaon na saray lalaki mi ya anggad natan, ontan la so impankakasalanan da ray totoom. Lapud saray kasalanan mi, sikami, saray arari mi tan saray papari mi et naplag kamid lima da ray ararid arum a bansa, tan pinapatey, tinatakewan, tan inyaakar da kami ed arum a bansa. Asigsigput kamin naplag ed kababaingan a singa kipapasen mi nin anggad natan.

Nehemias 1:9

Balet no ompawil kayod siak tan onuren yo ray ingganggan kod sikayo, papawilen ta kayod sayan pasen a pinilik a pangigalangan ed siak, anggaman ya ataytayak kayod inerman a sokung na mundo.’

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 34:7

Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Isaias 14:21

Igapo lay pampatey! Ompatey ira yan lalakin anak na ari lapud saray kasalanan na lalaki ra. Pateyen ira pian anggapod sikaray manoley ed mundo odino mangiletneg na amayamay a siudad ed tapew na dalin.

Isaias 24:16

Narengel mid sankaarawian a pasen na mundo iray kantan pangidayew ed Israel, say matonung a bansa. Balet anggapoy ilalon para siak! Pangaskasiyan lay kipapasen ko! Itutuloy na saray traidor so mamalikdo, tan onloloor so panagpalikdo ra.

Jeremias 29:12

Insan kayo ontawag ed siak ed satan. Ondago kayod siak tan mikasi kayo, et ebatan ta kayo.

Jeremias 3:25

Nepeg miy onlereg ed kababaingan tan tabunan kamiy kabandayan. Nanlapu lad impanogaw mi, saray lalaki mi tan sikami et nankasalanan ed Katawan a Dios mi; ag mi inonur iray ganggan to.”

Jeremias 31:29

No onsabi tan a panaon, ag la ikuan na saray totoo, ‘Angan na anakseng ya ubas iray atateng, Balet akilem iray anak da.’

Saray Tagleey 1:3

Saray totood Juda et pangaskasiyan iran aripen; apasoot iran manlingkur ed arawi. Manaayam irad saray sananey a dalin; anggapoy pasen a natawag dan kayaryan. Ag ira makabatik, lapud alakub ira na saray kalaban.

Saray Tagleey 4:9

Maung niy kipapasen da ray inaatey ed bakal nen saray inaatey ed eras; nankalkalnan naoyus so linawa ra, lapud anggapoy napambilay da.

Ezekiel 18:19

“Balet tetepeten yo, ‘Akin et ag nadudusa so anak, lapud kasalanan na ama to?’ Say ebat et lapud nanggawa na kaptekan tan kamaungan so anak. Inonur to ray ganggan ko tan inapiapiger to ran sinumpal, kanyan andi-saew a mambilay.

Ezekiel 20:43

Diad satan nanunotan yo ray amin a makapabaing a ginagawa yo tan no panoy impandodotak yod sikayon dili. Bosulen yoy sikayon dili lapud saray maoges a ginagawa yo.

Ezekiel 24:23

Ag kayo ompaway ya anggapoy turban yo odino kasali-sali; ag kayo manermen odino onakis. Onebeng kayo lapud saray kasalanan yo, tan manaakisan kayo.

Ezekiel 33:10

Say Katawan akisalitad siak. Inkuanto, “Sika a toon ompatey, olit mon ibagad saray Israelita so sasalitaen da: ‘Nabebelatan kami lapud saray kasalanan tan saray kaogsan mi. Onkakapoy kami lan onkakapoy. Panon niy pambilay mi?’

Ezekiel 36:31

Nanunotan yod satan ira may maoges a ginagawa yo tan saray makapoy a kagagawa yo, et diad ontan kabosulen yoy sikayon dili lapud saray kasalanan yo tan saray kaogsan yo.

Ezekiel 4:17

Onkulang ira na tagano tan inomen; naekalan ira na ilalo, tan makapasinagem so panirap da lapud saray kasalanan da.”

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Oseas 5:15

“Ikaindan ko ray totook ya anggad asigsigput so impanirap da, lapud saray kasalanan da tan onsabi ran mananap ed siak. Angangko diad gaway panirap da anapen da ak.”

Zacarias 10:9

Anggaman ya intaytayak ko ra ed saray bansa, nanunotan da ak diman ed arawin lugar. Sikara tan saray anak da et makapaliis irad patey tan mambabansag iran ompawil ed bansa ra.

Saray Bilang 14:18

‘Siak, a Katawan, et aliwan maipapasnuk, tan ipanengneng ko so baleg a panangaron ag mangoman, tan pirdonaen ko so kasalanan tan say pananumlang. Balet andisaew a dusaen ko ray anak tan saray apo ya anggad kumatlo tan kumapat a kailalakan lapud saray kasalanan da ray atateng da.’

Deuteronomio 28:65

Ag diman manarid sikayo so kareenan, tan anggapoy pasen a nayarian yon tawagen a kayaryan yo; say Katawan tabonan to kayo na kapagaan, kaandiay ilalo, tan kaermenan.

Deuteronomio 30:1

“Initdan ta kayo natan na pankanawnawan mampili ed bindision tan samba. No agawa la ra yan amin ed sikayo, tan manaayam kayo lad arum a bansa ya angikayatan ed sikayo na Katawan a Dios yo, nanunotan yo yan inter kod sikayon pampilian yo.

Deuteronomio 5:9

Ag ka ondadakmomo, ni mangigagalang ed saraya, ta siak, say Katawan a Dios mo et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Deuteronomio 8:20

No ag yo onuren so Katawan, ompatey kayo a singa saray totoon pateyen to legan na pankukurang yo.