Levitico 26:34 - Maung A Balita Biblia

^34-35 Diad satan say dalin sigput a mampainawa ta ag yo impanpainawa; nataynan tan mampainawa legan a wala kayod dalin na saray kalaban yo.

Maung a Balita Biblia

^34-35 Diad satan say dalin sigput a mampainawa ta ag yo impanpainawa; nataynan tan mampainawa legan a wala kayod dalin na saray kalaban yo.

Levitico 26:34 Iomraidhean Croise

1 Saray Arari 8:46

“No mankasalanan ed sika iray totoom—ta anggapo lantiy anggan sakey a toon ag mankakasalanan—tan diad pasnuk mo, et ipatalom irad saray kalaban da tan ipadakep mo rad arum a dalin ya anggan anto lay kaarawi to,

2 Saray Awaran 36:21

Sikato yay impakasumpal na samay impasakbay na Katawan diad panamegley nen propita Jeremias: “Magmaliw ya andi-kabaliksan a pitomploy taon so dalin, pian nasalatan iray ag angilinan ya Agew na Panagpainawa.”

Jeremias 34:17

Kanyan natan, siak, say Katawan, kuanko ya ag yo ak inonur; ag yo initdan na kawayangan iray kapara yon Israelita. Sigi sirin, itdan ta kayoy kawayangan: say kawayangan ya ompatey ed bakal, salot tan eras. Gawaen koy amin a bansa ed intiron mundo a nataktakot lapud gawaen kod sikayo.

Levitico 25:10

Onyay pangibiig yod kumalimamplon taon tan pangibawag yoy kawayangan ed amin a manaayam ed dalin. Legan na sayan taon amin a kayaryan ya inlako nepeg ya ipawil ira ed gendat ya akankayaryan, odino diad saray kabyangay boleg to; tan balang toon inlakon aripen nepeg ya ompawil ed pamilya to.

Levitico 26:43

Balet nakaukolan nin say dalin et naandian na totoo pian makapampainawan sigput, tan saray totoo et bayaran da niy impangipolisay dad saray ganggan ko tan saray bilin ko.