Levitico 26:31 - Maung A Balita Biblia

³¹ pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Maung a Balita Biblia

³¹ pagmaliwen kon aderalderal iray siudad yo, deralen ko ray pasen a panangigalangan yo, tan ag ko awaten iray bagat yo.

Levitico 26:31 Iomraidhean Croise

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

2 Saray Arari 22:19

nampatauli ka tan nampaabeba kad siak ginebyas moy kawes mo tan manakakis ka nen nadngel mo no panoy panusak ed Jerusalem tan saray totoon manaayam diman. Gawaen kon makapasinagem a nengnengen, sakey a pasen a say ngaran to et ikana na saray totoo a sakey a samba. Balet nadngel koy pikakasim,

2 Saray Awaran 36:19

Pinoolan toy Timplo tan say siudad, pati saray palasio to tan saray kayamanan to, insan inggeba to ray padir na siudad.

Nehemias 1:3

Imbaga rad siak a baleg so paniirap da ray akaligtar tan akapawil lad baley da; memelag-melagen met ira na saray totoon sangkaili a manaayam ed kaliber-liber da. Imbaga ra met ed siak ya ageba ni ray padir na Jerusalem tan ag ni apasimbalon nipaalagey iray puirtan apoolan.

Nehemias 2:17

Balet natan inkuankod sikara, “Nengneng yoy gunigon a walad sikatayo, lapud aderal-deral so Jerusalem tan saray puirta to. Pasimbaloen tin ipaalagey so padir na siudad tan pansamputen tayo la yay kababaingan tayo.”

Nehemias 2:3

tan inmebat ak, “Andokey ni komun so pambilay yo, Kagalang kon Impirador! Panon a niamut so ermen ko no say siudad ya angipomponan ed saray lalakik et aderalderal tan saray puirta to et dineral na apoy?”

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

Isaias 6:11

Tinepet ko, “Katawan, anggad kapigan ya onyay nagawa?” Inmebat so Katawan, “Anggad aderal-deral tan anggapo la ray totoon manayam ed siudad—anggad anggapo la ray manayam ed saray abung—anggad say dalin et andi-kakanaan lan ataynan.

Isaias 63:18

Sikami ran masanton totoom et apataynan kami ya agano na saray kalaban mi; ginagatinan day santuariom.

Isaias 64:9

kanyan, Katawan, ag mo pa kapalaloen so pasnuk mod sikami odino pagnayonen so paningil mod saray kasalanan mi. Sikami ray totoom, kasian mo kami pa.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Jeremias 22:5

Balet no ag yo onuren iray salitak, sambaan kod sikayo a nageba yan palasio. Siak, say Katawan, so nansalita.

Jeremias 26:6

No ituloy yoy ag mangonur ed siak, gawaen kod sayan Timplo so singa samay ginawak ed Silo tan saray amin a bansa ikana ray ngaran na sayan siudad a sakey a samba.”

Jeremias 26:9

Akin et imbagam, diad ngaran na Katawan, a sayan Timplo et magmaliw a singa Silo, tan naderal yan siudad, tan anggapoy manayam dia?” Insan minokut ak na saray totoo.

Jeremias 4:26

Say mataban dalin nagmaliw a kabueran; aderal-deral iray siudad to, lapud ontan lan petang na olo na Katawan. (

Jeremias 4:27

Imbaga na Katawan a magmaliw ya andi-kakanaan so intiron mundo, balet ag to deralen a sigput.)

Jeremias 4:7

Singa lion a manlalapud amutan ton pasen; say managderal na saray bansa et akaparaan la. Onsasabin maneral ed Juda. Naderal-deral iray siudad na Juda, anggapoy natilak a manayam ed sikara.

Jeremias 44:2

Inkuan na Katawan a Makapanyarin-amin a Dios na Israel, “Sikayon dili so akanengneng ed deral ya inyakar ko ed Jerusalem tan diad saray arum a siudad na Juda. Aderal ni ra ya anggad natan, tan anggapoy manaayam ed sikara,

Jeremias 44:6

Kanyan nampasnuk ak a maung ed saray baley na Juda tan diad saray dalan na Jerusalem, tan pinopoolan ko ra. Aderal-deral ira tan nagmaliw iran makapagiwgiw a nengnengen, a singa kipapasen da natan.

Jeremias 52:13

Pinoolan toy Timplo, say palasio, tan saray kaabungan na amin a manonan totoo ed Jerusalem;

Jeremias 9:11

Say Katawan kuanto, “Gawaen kon bunton na deral-deral so Jerusalem, sakey a pasen a panayaman da ray asod katakelan; magmaliw a kalawakan iray siudad na Juda, tan sakey a pasen ya ag panayaman na totoo.”

Saray Tagleey 1:1

Agaylay ermen na Jerusalem a gendat a napnoy totoo! Gagalangen na sankamundoan nen saman, balet singa biin balo so kipapasen to natan; Sankarakpan nen saman ed saray siudad, balet aripen so nagmaliwan to.

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Saray Tagleey 2:6

Minekmek toy Timplo ya angigalangan mid sikato; Pinatonda to ray masanton agew tan saray Agew na Panagpainawa. Ari may pari, alikna ray biskeg na petang na olo to.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Ezekiel 12:20

Naderal iray siudad a napno la natan na saray totoo, tan nagawan kalawakan so bansa. Insan dad satan naamtaan a siak so Katawan.”

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 6:6

Naderal ya amin iray siudad na Israel, pian natemek-temek ya amin iray altar tan saray talintao ra, namisimisi iray altar dan panagpoolay insinso, tan naandipat ya amin iray ginagawa ra.

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Daniel 2:46

Insan dinmakmomo ya anggad dalin si Ari Nabucodonosor tan ingganggan ton nisaklang ed kinen Daniel iray bagat tan insinso.

Amos 7:9

Naderal iray pasen a pangigagalangan na saray kabyangay boleg nen Isaac. Nataynan ya aderal-deral iray masanton pasen na Israel. Panganggaen kon manari iray kabyangay boleg nen Ari Jeroboam.”

Mikias 3:12

Kanyan lapud maoges kayo, nabakan singa alog so Sion, magmaliw a bunton na deral-deral so Jerusalem, tan magmaliw a takel so pokdul a kawalaay Timplo.

Sofonias 3:6

Say Katawan kuanto, “Pinaandik ya amin iray bansa; dineral ko ray siudad da tan tinaynan kon aderal-deral iray padir ta saray tori ra. Ataynan iray siudad; anggapoy onkitakitaw ed saray dalan—anggapoy anggan sakey a toon nakdaan.

Lucas 21:24

Ompatey irad ispada, awiten da ran aripenen ed amin a bansa, tan deralen na saray Hintil so Jerusalem, anggad nasumpal so panaon da.”

Saray Gawgawa 6:14

Ta nadngel min imbagbaga to a sayan Jesus a taga Nazaret et deralen to yan Timplo, tan salatan ton amin iray kaogaliyan ya impatawir nen Moises ed sikatayo.”

Saray Hebreo 10:26

No kasumpal tin naamtaay katwaan et gagalaen tayo niy mankasalanan, anggapo lay bagat a makapaandid saray kasalanan tayo.