Levitico 26:25 - Maung A Balita Biblia

²⁵ Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Maung a Balita Biblia

²⁵ Ipadalan kod sikayoy bakal a panusak ed sikayo lapud impaneral yo ed impisipanan kod sikayo, tan no mamtitipon kayon onamut ed dalem na saray siudad yo ipadalan kod sikayoy salot, et napasoot kayon onsuko ed saray kalaban yo.

Levitico 26:25 Iomraidhean Croise

2 Samuel 24:15

Kanyan say Katawan angibaki na salot ed Israel a ginmapod saman a kabwasan ya anggad panaon a tinandaan to. Manlapud Dan a sakey a ketegan na bansa ya anggad Beer-seba a sananey a ketegan, pitomplon libon Israelita iray inaatey.

1 Saray Arari 8:33

“No atalo na saray kalaban da iray totoom ya Israelita lapud nankasalanan irad sika, insan ira ompawil ed sika tan mampikasi rad sika diad sayan Timplo, ta onkerew iray pirdona,

1 Saray Arari 8:37

“No walay eras ed dalin, odino salot, odino namagaan iray tanaman, odino deralen ira na saray dorun, odino dogpaan na saray kalaban iray totoom, odino mansakit o manginagem ira,

2 Saray Arari 17:3

Akibakal ed sikatoy Impirador Salmaneser na Asiria; sinmukoy Oseas ed kinen Salmaneser, kanyan tinaon a nambabayar na buis ed sikato.

2 Saray Awaran 24:24

Daiset iray Sirianon sondalo, balet impatalo na Katawan iray amayamay a Judion sondalo lapud inkaindan na totoo so Katawan a Dios na lalaki ra. Onya so impakadusa nen Ari Joas.

Saray Salmo 94:1

Katawan, sika so Dios a manudusa; ipanengneng mo pay pasnuk mo!

Exodo 5:3

Inmebat ira di Moises tan Aaron, “Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.”

Isaias 1:20

Balet no ipolisay tan labanan yo ak, andi-duaruwan ompatey kayo. Siak, say Katawan, so nansalita.”

Isaias 65:12

Makapataktakot ya ipapatey so pansumpalan yo, lapud ag kayo inmebat nen tinawag ta kayo odino dinmengel nen nansalita ak ed sikayo. Nilabay yoy onsumpad siak tan say panggaway kaogsan.

Jeremias 19:7

Diad sayan pasen deralen kon amin iray plano na saray totood Juda tan Jerusalem. Panaloen kod sikara iray kalaban da tan pateyen ko rad bakal. Iter kon buagen na saray manok tan saray ayayep ed katakelan iray bangkay da.

Jeremias 24:10

Ipadalan kod sikaray bakal, eras, tan salot anggad anggapoy anggan sakey ed sikara so natilak ed dalin ya inter kod sikara tan saray lalaki ra.”

Jeremias 50:28

Saray Israelitan priso a manaayam ed Babilonia et ombabatik irad Sion, tan ibabaga ra no panoy imbawi na Katawan a Dios tayo lapud samay ginawa na saray taga Babilonia ed Timplo to.)

Jeremias 51:11

Dinagdag na Katawan iray arari na Media, lapud getma ton deralen so Babilonia. Onya so ibawi to lapud samay inkaderal na Timplo to. Saray opisyal ya ondodogpa igaganggan da, “Tareman yo ray pana yo! Iparaan yo ray samper yo!

Jeremias 9:16

Ikaykayat ko rad saray bansa a sikara tan saray lalaki ra et ag da ni nadngelan tan mangibaki ak na saray sondalo sumpad sikara, anggad sigput a naderal ko ra.”

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.

Ezekiel 14:17

“Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Ezekiel 20:37

“Pegetan koy panoley kod sikayo tan patoluken ta kayod impisipanan ko.

Ezekiel 29:8

Natan sirin, siak a Katawan a Dios, ibabagak a mangyakar ak na saray lalakin totoon ondogpad sika a walay awit dan ispada, tan pateyen da ray totoom tan saray ayayep mo.

Ezekiel 33:2

Inkuanto, “Sika a toon ompatey, ibagam ed saray totoo so nagawa no mangyakar ak na bakal ed sakey a dalin. Saray totood saman a bansa mamipili rad sikara na sakey a managbantay.

Ezekiel 5:17

Ipadalan koy eras tan mangibaki ak na saray ayayep ed katakelan a mamatey ed saray anak yo, tan mangyakar ak met na sakit, golo, tan bakal a mamatey ed sikayo. Siak, say Katawan, so nansalita.”

Ezekiel 6:3

Ibagam ed kapalandeyan na Israel a dengelen day salita na Katawan a Dios—a dengelen day ibabagak, siak a Katawan a Dios, ed kapalandeyan, kapokdulan, kakelasan, tan kapataran: mangyakar ak na ispada a maneral ed saray pasen a pangigagalangan na saray totoo ed saray talintaoy diriyos.

Oseas 11:6

Ondalan ed saray siudad da so bakal tan nageba ray puirta na siudad da. Deralen na bakal iray totook lapud gagawaen da so abaloan dan sankamaungan.

Levitico 26:6

“Itdan ta kayo na kareenan ed dalin yo, kanyan makaogip kayo ya anggapoy manigensigen ed sikayo. Paandipaten kod man iray masebeg ya ayayep ed takel, tan naandi lad may bakal.

Amos 4:10

“Angyakar ak ed sikayo na salot a singa samay salot ya inyakar kod Egipto. Pinatey kod bakal iray lalakin tobun-balo yo tan inaalak iray kabayo yo. Banget na saray bangkay ed saray kampo yo so impapasingob kod sikayo. Balet siansia nin ag kayo pinmawil ed siak.

Habacuc 3:5

Papaonaen tod arap to so salot tan gangganen ton ontombuk ed sikato so patey.

Saray Bilang 14:12

Ipadalan kod sikaray salot tan deralen ko ra, balet pagmaliwen ta ka ya ama na sakey a bansa a lalon maawang tan makapanyari nen say sikara!”

Saray Bilang 16:49

Say karakel na saray totoon inatey et labinapat a libo tan piton lasus, andi-bali ni ra may inaatey lapud insumlang nen Core.

Saray Bilang 31:3

Kanyan inkuanen Moises ed saray totoo, “Mamparaan kayon mibakal, pian nayarian yon dogpaan iray taga Madian et nadusa yo ra lapud ginawa ra ed Katawan.

Lucas 21:11

Wala ray onsabin maksil a yegyeg, eras, tan sakisakit diad nandoroman pasen. Onletaw iray makapataktakot a bengatla tan makapakelkelaw iran tandan manlapud tawen.

Deuteronomio 28:21

Ipadalan tod sikayoy mantotombukan a salot, ya anggad anggapoy anggan sakey a natilak ed sikayod dalin a ngalngali yo la panayaman.

Deuteronomio 32:25

Dakel iray ompatey ed daladalan lapud bakal; onsabiy takot ed dalem na kaabungan. Ompatey iray tobun-balon lalaki tan bibii; ag makapaliis ed patey iray mansusoson ogogaw tan saray mamasiken.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Deuteronomio 32:41

ya iyobul koy mankidiam ya ispadak tan ipakurang kon ipakurang so katonungan. Ombawi ak ed saray kalaban ko tan dusaen ko ray mamosul ed siak.

Saray Huis 15:11

Kanyan sarayan talon libon lalaki ed Juda et linma rad ongib ed Etam tan kuandad kinen Samson, “Ag mo ta amtan saray Filisteo so manooley ed sikatayo? Anto yay ginawam ed sikami?” Inmebat si Samson, “Ginawak ed sikara so singa ginawa rad siak.”