Levitico 26:15 - Maung A Balita Biblia

¹⁵ No ag yo onuren iray ganggan tan saray bilin ko tan deralen yoy impisipanan kod sikayo,

Maung a Balita Biblia

¹⁵ No ag yo onuren iray ganggan tan saray bilin ko tan deralen yoy impisipanan kod sikayo,

Levitico 26:15 Iomraidhean Croise

Genesis 17:14

Siopamay lakin ag asegat et ag la nibilang a kabyangan na saray totook, ta ag to tinoor so impisipanan ko.”

2 Saray Arari 17:15

Ag da nilabay ya onuren iray bilin to, ag da sinumpal so impisipanan tod saray lalaki ra, tan ag da inkabkabilangan iray pasakbay to. Inggalang day andi-kakanaan iran talintaoy diriyos tan nagmaliw iran andi-kakanaan met, tan inalig da ray ogali na kaliber-liber iran bansa. Ag da sirin tinoluk so ganggan na Katawan ya ag da aligen iray pagano.

2 Saray Awaran 36:16

Balet niludlurey da ray totoon imbabaki na Dios, ag da dinengel iray salita to, tan inelek-elekan da ray propita to. Diad kaonuran, ontan lay pasnuk na Katawan ed sikara kanyan ag la ra makapaliis.

Saray Salmo 50:17

Ag yo labay so pamepetek kod sikayo, ipopolisay yo ray ganggan ko.

Exodo 19:5

Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Exodo 24:7

Insan to inala so libro na sipanan, tan maksil ton imbasa ed saray totoo. Inkuanda, “Onuren mi so Katawan tan gawaen mi ray amin ya ingganggan to!”

Probirbio 1:30

Ag yon balut dinengel so simbawak odino inasikasoy panametek ko.

Probirbio 1:7

Pian nawalaan kay pakatalus, nepeg mon galangen ya onona so Katawan. Saray makulang-kulang babalawen da so kakabatan tan ag da labay so manaral.

Probirbio 5:12

Ikuan ed satan na sinansakey ed sikayo, “Akin et ag ak balut akaaral? Akin et ag ko inabuloyan a peteken ak na siopaman?

Isaias 24:5

Dinotakan na saray totoo so mundo diad insusumlang dad saray ganggan na Dios tan diad impandederal dad andi-anggaan a sipanan.

Jeremias 11:10

Pinawil da ray kasalanan na saray lalaki ran ag tinmoluk ed saray ingganggan kod sikara; angigalang irad saray arum a diriyos. Dineral na saray totood Israel tan Juda so impisipanan kod saray lalaki ra.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Jeremias 6:19

Dengel ka, O mundo! Diad panusak ed maoges a plano da ra yan totoo, mangyakar ak na deral ed sikara, lapud ag da inonur iray salitak tan impolisay day bangat ko.

Ezekiel 16:59

Say Katawan a Dios kuanto, “Gawaen kod sika so kapetekan na saray ginagawam, ta ag mo sinumpal iray sipan mo tan dineral moy sipanan.

Levitico 26:11

Manayam ak ed kawalaan yo diad masanton Tuldak tan ag ta kayon balut ipolisay.

Levitico 26:43

Balet nakaukolan nin say dalin et naandian na totoo pian makapampainawan sigput, tan saray totoo et bayaran da niy impangipolisay dad saray ganggan ko tan saray bilin ko.

Levitico 26:9

Bindisionan ta kayo tan itdan ta kayo na amayamay ya anak; sumpalen koy kanepegan ko ed impisipanan kod sikayo.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Saray Bilang 15:31

lapud impolisay to so imbagay Katawan tan ginagala ton sinumlang so sakey ed saray ganggan to. Sikaton dili so makaoley ed dilin ipatey to.

Saray Gawgawa 13:41

‘Nengneng yo, sikayon mabalaw! Onkelaw tan ompatey kayo! Ta say kimey a gagawaen kod panaon yo et ag yon balut napanisiaan, anggan walay mangipaliwawad sikayo!’”

Saray Taga Roma 8:7

Kanyan kalaban toy Dios so toon nanaoleyan so kanunotan to na inkanatural na too, ta ag to oonuren so ganggay Dios tan diad tuay tua, ag to nayarian ya onuren.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

1 TESALONICA 4:8

Kanyan siopamay mangipolisay ed sayan bangat, aliwan say too so ipolisay to, no ag ingen say Dios a mangiiter ed sikayoy Ispiritu Santo to.

Saray Hebreo 8:9

Aliwan singa saya may impisipanan kod saray lalaki ra, nen agew ya intabin ko ran impaway ed Egipto. Aliwa ran matoor ed impisipanan kod sikara, kanyan pinaolyan ko ra.

1 Samuel 12:15

Balet no ag yo dengelen so Katawan no ag ingen sumlangen yo ray ganggan to, sumpaen to kayo tan say ari yo.