Levitico 26:14 - Maung A Balita Biblia

¹⁴ Say Katawan kuanto, “No ag yo ak dengelen tan ag yo onuren iray ganggan ko, nadusa kayo.

Maung a Balita Biblia

¹⁴ Say Katawan kuanto, No ag yo ak dengelen tan ag yo onuren iray ganggan ko, nadusa kayo.

Levitico 26:14 Iomraidhean Croise

2 Saray Arari 22:13

“Laka yo, ta ipanonan yo ak ed Katawan, tan amin a totood Juda nipaakar ed saray bangat na sayan libro. Mamapasnuk so Katawan ed sikatayo, lapud ag ginawa na saray lalaki tayo iray ibabaga na sayan libro.”

2 Saray Awaran 34:24

ira yan salita na Katawan: “Dusaen koy Jerusalem tan amin da ray totoo to onung ed saray samban nisulat ed samay libron nibasa ed ari.

2 Saray Awaran 7:19

Balet no sika tan saray totoom et ag yo onuren iray ganggan tan saray bilin kod sikayo, tan mangigalang kayod arum a diriyos,

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

Probirbio 3:33

Isasamba na Katawan so kaabungan da ray totoon maoges, balet bibindisionan toy kaabungan da ray matonung.

Jeremias 11:8

Balet ag ira dinmengel o inmonur. Ingen, balang sakey nansiansian anawet so puso to tan maoges. Ingganggan ko ran ontoluk ed sipanan, balet ag da labay so ontoluk. Kanyan inter kod sikaray amin a dusan nibagad saman a sipanan.”

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Jeremias 26:4

Say Katawan imbaga tod siak ya ikuankod saray totoo yan salita to, “Siak, say Katawan, imbagak lad sikayo a nepeg yo ak a toluken diad pangonur yod saray bangat kod sikayo.

Jeremias 28:8

Saray propitan nansalita nen abayag lan panaon kasakbayan na panaon ko tan panaon mo, impropisiya ray idalan na bakal, eras, tan salot ed saray amayamay a bansa tan saray makapanyarin nanarian.

Jeremias 32:23

Balet nen akakar irad sayan dalin tan kinayaryan da, ag da inonur iray ganggan mo odino nambilay onung ed bangat mo; ag da sinumpal so antokaman a pagagawam ed sikara. Sikato yay makasengeg no akin et inyakar mod sikara yan amin a deral.

Jeremias 40:2

Impaliis ak na samay panguloy sondalo tan inkuantod siak, “Impasakbay la na Katawan a Dios mo a deralen to yan dalin,

Saray Tagleey 1:18

“Maptek so Katawan, ta sinumlang ko ray salita to. Dengel yo ak, totood inerman a pasen; nengneng yoy paniirap ko. Nalan priso iray tobun-balon bibii tan lalaki.

Saray Tagleey 2:17

Sinumpal na Katawan so ginetma ton gawaen; Dineral to itayon andi-panangasi onung na abayag to lan impasakbay a gawaen. Impanalo to ray kalaban tayo, tan pinaliket to rad inkatalo tayo.

Daniel 9:13

tan inter mod sikami iray amin a dusan nisulat ed Ganggan nen Moises. Balet anggad natan, O Katawan a Dios mi, ag mi ni gagawaen so pamaliket mid sika diad pangibeneg ed saray kasalanan mi odino pangonur ed katwaan mo.

Oseas 7:12

Balet ipanat koy iket ko tan erelen ko ran singa saray manok legan dan oonla. Dusaen ko ra lapud kaogsan a ginagawa ra.

Levitico 26:18

“No ag yo ak ni onuren kayari to ya, mamimpitoy belat na iyarum kon dusa yo lapud saray kasalanan yo.

Malakias 2:2

Nepeg yo ak a pagalangan diad panamegley na gagawaen yo. No ag yo dengelen so ibabagak ed sikayo, isamba ta kayo. Isambak iray bengatlan panlalapwan na pambilay yo. Diad tuay tua insambak la ra, lapud leleglemewen yoy ganggan ko.

Saray Gawgawa 3:23

Amin ya ag ondengel ed sayan propita, nisian ed saray totoo na Dios tan naderal.’

Saray Hebreo 12:25

Manalwar kayo, sirin, tan ag yo ipopolisay a dengelen so mansasalita. Ag akaliktar iray ag dinmengel ed pamasakbay na mansasalita diad tapew na dalin. Lautla sirin ya ag tayo naliktaray dusa, no ag tayo dengeley pamasakbay na mansasalita diad tawen!

Josue 23:15

Balet no panoy impanumpal tod amin ya insipan tod sikayo, ontan met so gawaen tod amin ya impasakbay tod sikayo.

Saray Huis 2:15

Kapag onla ran mibakal, sumpad sikara so Katawan onung na sinambaan to lan gawaen to. Mapalaloy inkairapan da.

1 Samuel 12:15

Balet no ag yo dengelen so Katawan no ag ingen sumlangen yo ray ganggan to, sumpaen to kayo tan say ari yo.