Levitico 25:43 - Maung A Balita Biblia

⁴³ Ag yo ra papairapen, no ag ingen toluk yo so Dios yo.

Maung a Balita Biblia

⁴³ Ag yo ra papairapen, no ag ingen toluk yo so Dios yo.

Levitico 25:43 Iomraidhean Croise

Genesis 42:18

Diad kumatlon agew, inkuanen Jose ed sikara, “Sakey ak a toon walay takot tod Dios, kanyan ag ta kayo papatey no gawaen yoy ibagak.

2 Saray Awaran 28:10

tan natan getma yon aripenen iray lalaki tan saray bibiin taga Jerusalem tan Juda. Ag yo ta amta a nankasalanan kayo met ed Katawan a Dios yo?

Say Libro nen Job 31:13

Nen nanriklamo ed siak so sakey ed saray aripen ko, dinengel ko tan ginawak so kanepegan ko.

Say Libro nen Job 31:14

No ag ko dinengel, panoy piarap kod Dios? Antoy nibagak no sinmabin manintinsiad siak?

Exodo 1:17

Balet sarayan manamianak, lapud walay takot dad Dios, ag da inonur imay ingganggan na ari ed sikara; ag da pinatey iray ogogaw a lalaki.

Exodo 2:23

Kalabas na abayag a panaon inatey so ari ed Egipto, balet manngesnges ni ray Israelita ed kairapan na pakakaaripen da, kanyan kinmerew iray tulong ed Dios.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 3:9

Nadngel koy tagleey na saray totook tan anengneng kon peteg so pamapairap na saray Egipsio ed sikara.

Exodo 5:14

Binabakbak na saramay opisyal iray kapatas ya Israelita ya impasen dan makaoley ed kimey. Et tinepet da, “Akin et kulang nen samay gendat a gagawaen yo so ginawa yo natan?”

Isaias 47:6

Akapasnuk ak ed saray totook; impasen kon ag ko la ra kayaryan: Impasilong ko rad pakayarim, et ag mo ra kinasian; anggan saray mamatakken pinairap mo ran tuloy.

Isaias 58:3

Tepet na saray totoo, “Akin et manayuno kami no ag lamlamang imanoen na Katawan so panayuno mi? Akin et manayuno kami anta ag met lamlamang imanoen na Katawan so ag mi pangan?” Say Katawan kuantod sikara, “Say katwaan to ibabansag yod panagayuno yo so panggagawa yoy pankaabigan yon dili tan say pamapairap yod saray kumikimey yo.

Ezekiel 34:4

Ag yo inasikaso iray makapoy, ag yo tinambal iray mansasakit, ag yo binerber so sugat da ray asugat, ag yo pinapawil iray akar-akar, odino inanap iray abalang. Pinapairap yo ra lalaingen.

Levitico 25:17

Ag yo sasaolen so kapara yon Israelita, no ag ingen takotan yo so Katawan a Dios yo.

Levitico 25:42

Saray Israelita et aripen ira na Katawan, tan impaway to ra manlapud Egipto; ag ira nepeg ya ilakon aripen.

Levitico 25:44

No nakaukolay yoy aripen manaliw kayo lad saray kaliber-liber a bansa.

Levitico 25:46

tan nayarin ipatawir yo ra ed saray lalakin anak yo, a panlingkuran da ra legan dan mambilay. Balet ag yo nepeg a pairapen so siopaman a kapara yon Israelita ya agi yo.

Levitico 25:53

a singa sikatoy tinaon ya inupaan. Nepeg ya ag pairapen na amo to.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

TAGA-EFESO 6:9

Sikayo ran amo, nepeg a maung kayod saray aripen yo, tan ag yo la ra tataktakoten. Ta amta yo a nampapara kayon kayaryan na saksakey a Katawan a walad tawen a namparay pangipapasen tod amin a katoowan.

Deuteronomio 25:18

Anggapoy takot dad Dios, kanyan dinogpaan da kayod beneg nen naknaksawan tan napupunaw kayo la; pinapatey da ra may makapkapoy lan walad bandad onur.

COLOSAS 4:1

Sikayo ran amo, gawa yod saray aripen yo so makatonungan tan makanepegan. Tandaan yo a wala met so Katawan yon walad tawen.