Levitico 25:38 - Maung A Balita Biblia

³⁸ Sikato yay ganggan na Katawan a Dios yo ya angipaway ed sikayo manlapud Egipto ta iter tod sikayoy dalin na Canaan tan magmaliw a Dios yo.

Maung a Balita Biblia

³⁸ Sikato yay ganggan na Katawan a Dios yo ya angipaway ed sikayo manlapud Egipto ta iter tod sikayoy dalin na Canaan tan magmaliw a Dios yo.

Levitico 25:38 Iomraidhean Croise

Genesis 17:7

“Tooren koy impisipanan kod sika tan saray kabyangay boleg mo diad arapen iran panaon, tan ipasen kon sakey ya andi-anggaan a sipanan. Siak so Dios mo tan siak so Dios na saray kabyangay boleg mo.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Jeremias 31:1

Say Katawan kuanto, “Onsabiy panaon a magmaliw ak a Dios na amin a tribu na Israel, tan sikaray magmaliw a totook.

Jeremias 31:33

Onya so pisipanan kod saray totood Israel: Iyan kod sikaray ganggan ko tan isulat kod kapusoan da. Siak so magmaliw a Dios da, tan sikara so totook.

Jeremias 32:38

Diad satan magmaliw iran totook, tan siak so Dios da.

Levitico 11:45

Siak so Katawan ya angipaway ed sikayod Egipto pian siak so magmaliw a Dios yo. Nepeg a masanto kayo, ta siak et masanto ak.

Levitico 25:37

Ag yo pangaabangen ed kuartan ipabayes yod sikato, tan ag yo panotoboan ed kakanen ya ilako yod sikato.

Saray Bilang 15:41

Siak so Katawan a Dios yo; impaway ta kayo ed Egipto pian siak so magmaliw a Dios yo. Siak so Katawan.”

Saray Hebreo 11:16

Balet say pampipilalekan da say magmaung a bansa—say mangatatawen a bansa. Kanyan ag imbaing na Dios a sikatoy tawagen da a Dios da, ta imparaanan to ray sakey a siudad.