Levitico 25:36 - Maung A Balita Biblia

³⁶ Ag yo pangaabangen; ingen toluk yoy Dios tan abuloyan yon manayam ed abay yo so kapara yon Israelita.

Maung a Balita Biblia

³⁶ Ag yo pangaabangen; ingen toluk yoy Dios tan abuloyan yon manayam ed abay yo so kapara yon Israelita.

Levitico 25:36 Iomraidhean Croise

Nehemias 5:15

Makapabelat ed saray totoo iray amin a gobirnador ya akaonan nanoley nen say siak, lapud kinaukolan da a niiter ed sikaran inagew-agew so apataplon kuartan pilak ya isaliw da na tagano tan alak. Pinapairap na anggan saray katulong da iray totoo. Balet domay impanoley ko, lapud walay takot kod Dios.

Nehemias 5:3

Inkuanda ray arum, “Apasootan kamin angiprinda na saray kaalogan mi, saray kaubasan mi, tan saray kaabungan mi pian makasaliw kamiy trigo et ag kamin naerasan.”

Saray Salmo 15:5

Mampapautang ya anggapoy abang tan ag napasoksokan a mantasi sumpad toon anggapoy kasalanan. Siopamay toon manusumpal ed sarayan amin et maligen lawas so bilay to.

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Probirbio 28:8

No minmayaman ka lapud alablabas a panagpaabang moy kuartam tan diad panaganamut moy pankanawnawam ed saray totoo, onla ed toon mapangasid mairap-bilay so kayamanan mo.

Isaias 24:2

Nampaparay pansumpalan na amin a totoo—saray papari tan saray totoo, saray aripen tan saray amo, saray sumasaliw tan saray lumalako, saray managpabayes tan saray bumabayes, saray mayaman tan saray mairap-bilay.

Jeremias 15:10

Pangaskasiyay kipapasen ko! Akin et impaway ak ni na inak ed sayan mundo? Akin et nianak ak a mikolkol tan misangsangan ed balang sakey diad bansa? Ag ak mampapabayes na kuarta odino ombabayes ed siopaman; balet isasamba ak na balang sakey.

Ezekiel 18:13

tan ipapaabang toy kuarta to. Mambilay kasi? Andi, ag mambilay. Ompatey, lapud ginagawa to ray makapaingungot a bengatla. Sikaton dili so natetel ed ipatey to.

Ezekiel 18:17

Ag to labay so manggawa na antokaman a kaogsan tan ag to ipapaabang so kuarta to. Oonuren to ray ganggan ko tan susumpalen to ray bilin ko. Ag ompatey lapud saray kasalanan nen ama to, no ag ingen sikatoy mambilay.

Ezekiel 18:8

Ag to ipapaabang so kuarta to. Ag to labay so manggawa na antokaman a kaogsan tan diad antokaman a kolkolan say katonungan so ipapasumpal to.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Levitico 25:17

Ag yo sasaolen so kapara yon Israelita, no ag ingen takotan yo so Katawan a Dios yo.

Levitico 25:37

Ag yo pangaabangen ed kuartan ipabayes yod sikato, tan ag yo panotoboan ed kakanen ya ilako yod sikato.