Levitico 25:35 - Maung A Balita Biblia

³⁵ No nagmaliw a mairap so bilay na kapara yon Israelita a kaabay yo tan ag to nayarian a bilayen so sikaton dili, nepeg yon itdan na pantagano to a singa pangiter yod toon uupaan yon mankimey, pian nayarian toy mansiansian manayam ed abay yo.

Maung a Balita Biblia

³⁵ No nagmaliw a mairap so bilay na kapara yon Israelita a kaabay yo tan ag to nayarian a bilayen so sikaton dili, nepeg yon itdan na pantagano to a singa pangiter yod toon uupaan yon mankimey, pian nayarian toy mansiansian manayam ed abay yo.

Levitico 25:35 Iomraidhean Croise

Nehemias 5:1

Diad ontombuk a panaon dakerakel a totoo, lalaki may bibii, so nanriklamo sumpad saray kapara ran Judio.

Nehemias 5:3

Inkuanda ray arum, “Apasootan kamin angiprinda na saray kaalogan mi, saray kaubasan mi, tan saray kaabungan mi pian makasaliw kamiy trigo et ag kamin naerasan.”

Say Libro nen Job 31:16

Ag kon balut insiblet so tulong kod saray mairap-bilay; ag ko inabuloyan a mambilay ed kaermenan iray bibiin balo;

Saray Salmo 112:5

Maliket so toon mabonluk a piutangan tan ag to amtay mansaol.

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Saray Salmo 37:26

Mabolus lawas so linawa ton mangiter tan mamapabayes ed kapara ton too, tan bindision iray anak to.

Saray Salmo 41:1

Maliket iray totoon maaro ed saray mairap-bilay; tulongan ira na Katawan no nagugunigon ira.

Exodo 22:21

“Ag yo lulukoen odino papairapen so sangkaili; ag yo lilingwanan a sangkaili kayo met nen saman ed Egipto.

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.

Exodo 22:25

“No mampabayes kayo na kuarta ed siopaman a took a mairap so bilay to, ag yo ipapasey sikayon dili a managpaabang tan ag yo pangaabangen.

Exodo 23:9

“Ag yo papairapen so sangkaili; amta yo so liknaan na sangkaili lapud sangkaili kayo met nen saman ed Egipto.

Probirbio 14:31

No pairapen mo ray totoon mairap-bilay, papabaingan mo so Dios ya amalsad sikara; balet say pangasid mairap-bilay et sakey a panangigalang ed Dios.

Probirbio 17:5

No ludlureyen mo ray mairap-bilay ludlureyen moy Dios ya amalsad sikara. Nadusa ka no panliketan moy segsegang a sinmabid sakey a too.

Probirbio 19:17

No mangiter kad saray mairap-bilay singa papautangen moy Katawan, et say Katawan so mambayar ed sika.

Levitico 19:34

Ipasen yo ran singa pangipasen yod saray kapara yon Israelita, tan aro yo ran singa panangaro yod sikayon dili. Ag yo lilingwanan a sangkaili kayo met nen saman ed dalin na Egipto. Siak so Katawan a Dios yo.

Levitico 25:25

No mairap so bilay na sakey ya Israelita tan apilitan ya angilako na dalin to, say sankaasinggeran a kanayon to so manondon.

Mateo 25:35

Ta narasan ak et pinakan yo ak, napgaan ak et pinainom yo ak, sakey ak a sangkaili et pinatuloy yo ak ed abung yo.

Marcos 14:7

Ta kaiba yo lawas iray mairap-bilay tan nayarian yo ran tulongan ed anggan anton oras a labay yo. Balet ag yo ak lawas kaiba.

Lucas 6:35

Aliwan ontan! Aro yo ray kalaban yo, tan manggawa kayoy kamaungan ed sikara. Mamabayes kayo ya ag yo ilaloan lan ompawil. No sikato yay tombuken yo, balbaleg so naawat yon tumang tan nibilang kayon anak na Sankatageyan a Dios. Ta maung so Dios ed saray maoges tan saray ag da amtay mamirbir na utang na linawa.

Juan 12:8

Kaiba yo lawas iray mairap-bilay, balet ag yo ak lawas kaiba.”

Saray Gawgawa 11:29

Nampapaknaan da ray disipulo a mangiter iran amiy tulong ed saray agagin manaayam ed Judea, onung ed nayarian ya iter na balang sakey.

Saray Taga Roma 12:13

Tulongan yo ray agagi yon walad pankaukolan, patuloy yo ray sangkaili.

Saray Taga Roma 12:18

No nayari, diad anggaay nayarian yo, piolupan yon amiy too.

Saray Taga Roma 12:20

Ingen, onung na ibabagay Masanton Sulat, “No narasay kalaban mo, pakan mo; no napgaan, painom mo; ta diad kababaingan to, singa ipapaagtom so ngalab ed olo to.”

2 CORINTO 8:9

Ta kabat yoy panangaroy Katawan tin Jesu-Cristo; anggaman a mayaman nagmaliw a mairap-bilay makasengeg ed sikayo, pian onyaman kayo diad panamegley na inkamairap-bilay to.

2 CORINTO 9:1

Ag ko la nakaukolan ya isulat ed sikayoy nipaakar ed tulong ed saray totoo na Dios, diad Judea.

TAGA GALACIA 2:10

Say kinerew da labat et say ag mi pamaolyan ed saray mairap-bilay, a sikato lay gendat a pampipilalekan kon gawaen.

Deuteronomio 23:19

“No mangipabayes kayo na kuarta odino kakanen odino antokaman ed kapara yon Israelita, ag yo papaabangan.

Saray Hebreo 13:2

Ag yo lilingwanay mamatuloy na saray sangkaili ed abung yo. Wala ray nanggawa ya, et ag da amtan saray anghil so pinatuloy da.

1 Juan 3:17

No mayaman so sakey a too tan sankanengneng ton maniirap so agi to et ag to kasian a tulongan, panoy pangibaga ton inaro toy Dios?