Levitico 25:23 - Maung A Balita Biblia

²³ Say dalin ag nepeg ya ilakon anggad angga lapud ag yo kayaryan; say Dios so akankayaryan, tan singa kayo sangkailin naabuloyan a mangikana ed dalin.

Maung a Balita Biblia

²³ Say dalin ag nepeg ya ilakon anggad angga lapud ag yo kayaryan; say Dios so akankayaryan, tan singa kayo sangkailin naabuloyan a mangikana ed dalin.

Levitico 25:23 Iomraidhean Croise

Genesis 23:4

“Sangkaili ak dian miaayam ed sikayo; lakoan yo ak pa na dalin a pangipomponan kod asawak.”

Genesis 47:9

Inmebat si Jacob, “Sanlasus tan talomplon taon lay impanbilay kon alis-alis so panayaman. Antikey tan mairap so bilay ko, ya aliwan singa saray atateng ko ya andokey so impanbilay da ya alis-alis met so nanayaman da.”

1 Saray Arari 21:3

“Tinawir ko yan kaubasan ed saray lalakik,” ebat nen Nabot. “Ag iyabuloy na Katawan ya iter kod sika!”

1 Saray Awaran 29:15

Amtam, O Katawan, a diad pambibilay mi sikamiy akar-akar a sangkaili tan totoon nibantak ed arum a bansa, a singa impanbilay na saray lalaki mi. Singa labat ondadalan ya anino iray agew mid tapew na dalin, tan ag mi napaliisan so patey.

2 Saray Awaran 7:20

ekalen ta kayod dalin ya inter kod sikayo, tan ikaindan ko yan pinasantok a Timplo a sikatoy pangigalangan ed siak. Balawen tan melag-melagen na saray totoo ed inerman a pasen so bansan Israel.

Saray Salmo 119:19

Magangganoy panayam ko diad tapew na dalin; ag mo pa iyaamut ed siak iray ganggan mo.

Saray Salmo 24:1

Kayaryay Katawan so mundo tan amin a logan to; kien toy dalin tan amin a manaayam ed dalin.

Saray Salmo 39:12

Dengel mo pay pikakasik, Katawan, tan talineng moy tagleey ko; tulongan mo ak pa no mannangnangis ak. Magano labat a sangkailim ak a singa saray lalakik.

Saray Salmo 39:13

Paolyan mo ak pan manbukbukor pian wala met so liket ko, kasakbayay itaynan tan iyandipat ko diad mundo.

Saray Salmo 85:1

Katawan, mapangasi kad dalin mo; pinaaligwas mo lamet so Israel.

Exodo 19:5

Natan, no onuren yo ak tan sumpalen yoy impisipanan ko, magmaliw kayon dilin totook. Kayaryan koy sankamundoan, balet magmaliw kayon pinilik a totook.

Exodo 2:22

Nananak si Zipora na ogaw a laki. Nipaakar ed sayan ogaw si Moises inkuanto, “Sangkaili ak ed sayan dalin, kanyan Gersom so ngaran na sayan anak ko.”

Isaias 8:8

Delapen day intiron Juda, onaralem ya anggad takeb tan tabunan day amin a bengatla.” Say Dios walad sikatayo! Say akabuskag iran payak to iyaagel day dalin tayo.

Ezekiel 48:14

Sankaabigan a parti ed intiron dalin so pasen a nisaklang ed Katawan, tan anggapoy antokaman a parti na sayan pasen a nilako, nisalat, odino nialis ed siopaman. Masanto yan pasen tan kayaryan na Katawan.

Oseas 9:3

Ag mansiansian manayam ed dalin na Katawan iray totood Israel, no ag ingen nepeg ya ompawil irad Egipto tan diad Asiria nepeg a mangan iray kakanen a marotak onung ed ganggan.

Joel 2:18

Insan say Katawan impanengneng toy panagnunot tod dalin to; walay panangasi tod saray totoo to.

Joel 3:2

Tiponen kon amin iray bansa tan iyakar ko rad Patar na Sintinsia. Sintinsiaan ko rad man, lapud amin a ginagawa rad saray totook. Inkakayat dad saray arum a bansa iray Israelita tan inaapag day dalin kon Israel.

Levitico 25:10

Onyay pangibiig yod kumalimamplon taon tan pangibawag yoy kawayangan ed amin a manaayam ed dalin. Legan na sayan taon amin a kayaryan ya inlako nepeg ya ipawil ira ed gendat ya akankayaryan, odino diad saray kabyangay boleg to; tan balang toon inlakon aripen nepeg ya ompawil ed pamilya to.

Levitico 25:24

No alako so dalin, nepeg a birbiren so kanepegan na gendat ya akankayaryan a manondon.

Deuteronomio 32:43

“Sikayo ran bansa, nepeg yon idayew iray totoo na Katawan— dusaen to ray mamatey ed sikara. Ombawid saray kalaban to tan pirdonaen to ray kasalanan da ray totoo to.”

1 Pedro 2:11

Inararok, lapud sangkaili kayon mimiayam labat ed sayan mundo, kekerewen kod sikayo ya ibeneg yo la ray maoges a pilalek na laman a milalaban ed kamarerwa.