Levitico 24:4 - Maung A Balita Biblia

⁴ Si Aaron et asikasoen to ray lamparaan a walad saray panangipatoonan a puron balituk tan pampagaan to a mandarlang iran naynay ed arap na Katawan.

Maung a Balita Biblia

⁴ Si Aaron et asikasoen to ray lamparaan a walad saray panangipatoonan a puron balituk tan pampagaan to a mandarlang iran naynay ed arap na Katawan.

Levitico 24:4 Iomraidhean Croise

1 Saray Arari 7:49

saray samploran panangipatoonan na lamparaan a wala rad arap na Sankasantosan a Pasen, limaray walad bandad abalaten tan limaray walad bandad baybay; sary rosas, saray lamparaan, tan saray sipit;

1 Saray Awaran 28:15

say balang lamparaan tan say balang panangipatoonan na lamparaan,

2 Saray Awaran 29:7

Insasara da ray puirta na Timplo, ineerep da ray lamparaan, tan ag la ra nampopool na insinso o nansasaklang na saray bagat ed Timplo na Dios na Israel.

Exodo 31:8

say lamisaan tan saray kagawaan to, say puron balituk a panangipatoonan na lamparaan tan amin a kagawaan to, say altar a panagpoolan na insinso,

Exodo 39:37

say puron balituk a panangipatoonan na lamparaan, saray lamparaan to, amin a kagawaan to, tan say larak a para saray lamparaan;

Jeremias 52:19

Inala da ray amin a kagawaan a balituk o pilak: saray ankekelag a yaung, saray kawali a pananginay ngalab, saray yaung a pananginay dala na saray bagat, saray pananginay dapul, saray patoonay lamparaan, saray yaung a pananginay insinso, tan saray yaung ya ikakanad panangibung na saray bagat ya alak.

Levitico 24:3

Kapag labi si Aaron selselan to ra tan pansiansiaen to ran mandarlang ya anggad kabwasan, diad arap na Katawan ed paway na kurtinad arap na Kaban na Sipanan a walad dalem na Sankasantosan a Pasen. Sayan totontonen et nepeg a tombuken ya anggan kapigan man a panaon.

Saray Bilang 3:31

Sikaray makaoley ed Kaban na Sipanan, say lamisaan, say panangipatoonan na lamparaan, saray altar, saray kagawaan ya ikakana na saray papari ed dalem na Masanton Pasen, tan say kurtina na loloobay Sankasantosan a Pasen. Sikaray makaoley ed amin a kimey a nipaakar ed sarayan bengatla.

Saray Bilang 4:9

Mangala ra na asul ya abel tan sakbungan da so panangipatoonan na lamparaan a pati saray lamparaan to, saray sipit, saray pananginay dapul, tan amin a pananginay larak na oliba.

Saray Bilang 8:2

“Ibagam ed kinen Aaron a no ilira to ray pitoran lamparaan ed panangipatoonan, say liwawa et nepeg ya onwandag ed bendad arap.”

Saray Hebreo 9:2

Nipaalagey so sakey a tulda, say walad bandad paway a tatawagey Masanton Pasen. Diay kawalaan na panangipatoonan na lamparaan tan say lamisaan a kawalaay tinapay ya imbagat ed Dios.

Puyan 1:20

Sikato yay niamut a kabaliksan na pitoran bitewen a nanenengneng mon sankabembenan ko tan saray pitoran balituk a panangipatoonay lamparaan: saray pitoran bitewen sikaray anghil na pitoran iglisia, tan saray pitoran panangipatoonay lamparaan sikaray pitoran iglisia.

Puyan 11:4

Sarayan duan tasi et saray duaran kiew ya oliba tan duaran lamparaan a manalalagey ed arap na Katawan na mundo.

Puyan 2:5

Kanyan nunot mo no antoy naplagan mo, mampatauli ka, tan gawam lamet iray ginagawam nen saman. No ag ka mampatauli, onla ak ditan tan ekalen kod pasen to so panangipatoonay lamparaan mo.