Levitico 24:16 - Maung A Balita Biblia

¹⁶ tan pateyen. Siopamay Israelita odino sangkaili a manaayam ed dalin da ray Israelita a mansalita na maoges sumpad Katawan nepeg a tupaken na amin ya Israelita ya anggad ompatey.

Maung a Balita Biblia

¹⁶ tan pateyen. Siopamay Israelita odino sangkaili a manaayam ed dalin da ray Israelita a mansalita na maoges sumpad Katawan nepeg a tupaken na amin ya Israelita ya anggad ompatey.

Levitico 24:16 Iomraidhean Croise

2 Samuel 6:2

Inwanwan to ra ed Baale-juda, ta alaen dad man so Kaban na Sipanan na Dios a natatawag onung ed ngaray Katawan a Makapanyarin-amin a say trono to et walad tagey na saray kirubin.

Saray Salmo 139:20

Mansasalita ray maoges a nipaakar ed sika; lelemlemewen day ngaran mo.

Saray Salmo 74:10

Kapigay pangangga, O Dios, so pamabalaw ed sika na saray kalaban mi? Anggad angga so panlelemlemew dad ngaran mo?

Saray Salmo 74:18

Balet, Katawan, nunot mo a babalawen da ka na saray kalaban mo; totoo ran anggapoy Dios tan lelemlemewen da ka.

Exodo 20:7

“Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Exodo 22:28

“Ag kayo mansasalita na maoges sumpad Dios, tan ag yo isasamba so pangulo na saray totoo yo.

Mateo 12:31

Kanyan kuankod sikayo: napirdonay amin a kasalanan na too tan amin a maoges a lalabiren to balet ag balut napirdona so toon manlabir na bengatlan sumpad Ispiritu Santo.

Mateo 26:66

Antoy kuanyo?” Inmebat ira, “Nankasalanan, tan nepeg a pateyen.”

Marcos 14:64

Nadngel yoy kaogsay salita ton sumpad Dios! Antoy kuanyo?” Nankakasakeyan dan amin a si Jesus et nepeg a pateyen.

Juan 19:7

Inmebat iray Judio, “Onung ed sakey a ganggan mi, sikatoy nepeg a pateyen, ta impagmaliw toy sikaton dili ya Anak na Dios.”

Saray Gawgawa 26:11

Amimpiga-pigan pinapairap ko ra ed amin a sinagoga, tan pinapasoot ko ran mansalitay pangibeneg dad pananisia ra. Diad ontan lan petang na olok ed sikara, lilinma ak ya anggad saray siudad ed arum a bansa a mamairap ed sikara.”

Saray Gawgawa 7:58

Inggayugoy dad paway na siudad, insan da tinutupak. Saray tasi nilalakseb da ray kolibemben a kawes da, tan intitilak dad sakey a lakin tobun-balo a manngaray Saulo.

1 Timoteo 1:13

Anggaman a nansasalita ak na maoges sumpad sikato, pinapairap tan pinapasegsegang ko, siansian tinoro to ak a kumikimey to. Balet kinasian ak na Dios, ta ag ko amtay gagawaen ko nen aliwa ak nin mananisia.

Santiago 2:7

Aliwa kasin sikaray mansasalitay maoges a sumpad gagalangen a ngaran a niiter ed sikayo?