Levitico 24:14 - Maung A Balita Biblia

¹⁴ “Ipaway yod kampo itan a too. Balang sakey a toon akadngel ed impanayew tod Katawan et itapew to ray lima to ed olo na satay too a pangipaneknek ton sikatoy nankasalanan, insan amin ya Israelita tupaken da ya anggad ompatey.

Maung a Balita Biblia

¹⁴ Ipaway yod kampo itan a too. Balang sakey a toon akadngel ed impanayew tod Katawan et itapew to ray lima to ed olo na satay too a pangipaneknek ton sikatoy nankasalanan, insan amin ya Israelita tupaken da ya anggad ompatey.

Levitico 24:14 Iomraidhean Croise

1 Saray Arari 21:10

Mangala kayoy duaran luko-lukon lalaki, paalagey yo rad arap nen Nabot, insan akusaen dan aayewen toy Dios tan say ari. Ipaway yod satan ed siudad, insan yo tupaken ya anggad ompatey.”

Levitico 13:46

Mansiansian marotak legan a walay sakit to, tan nepeg a manayam ya arawid saray totoo, diad paway na kampo.

Levitico 20:27

“Siopamay laki odino biin mangipanon ed saray ispiritu na inaatey et nepeg a tupaken ya anggad ag to ipatey; siopaman a manggawad saya sikaton dili so makasengeg na ipatey to.”

Levitico 24:13

Say Katawan kuantod kinen Moises,

Juan 8:59

Lapud saya, nandokdok iray baton panupak dad kinen Jesus, balet sinmanib insan la pinmaway ed Timplo tan tinmaynan.

Deuteronomio 17:5

ipaway yod baley itan a too tan tupak yo ya anggad ag to ipatey.

Deuteronomio 17:7

Saray tasi so ononan mangitupak na saray bato ed samay toon nankasalanan, insan ontombuk iray arum; diad onya napaandipat yo la yan kaogsan.

Deuteronomio 21:21

Insan saray totood siudad tupaken da may anak ya anggad ag to ipatey, et diad ontan napaandi yan kaogsan. Narengelan na amin a totood Israel so agawa et ontakot ira.

Deuteronomio 22:21

iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Josue 7:25

Insan inkuanen Josue, “Akin et impelag mod sikamiy gunigon? Ipelag natan na Katawan so gunigon ed sika!” Amin da ray totoo sirin tinutupak da si Acan ya anggad ag to impatey; tinutupak tan pinopoolan da met iray kabyangay pamilya to tan amin a kayaryan to.