Levitico 23:4 - Maung A Balita Biblia

⁴ Ibawag mo ray onggendan a pista ed saray niganan panaon.

Maung a Balita Biblia

⁴ Ibawag mo ray onggendan a pista ed saray niganan panaon.

Levitico 23:4 Iomraidhean Croise

Nehemias 8:15

Kanyan inter da ray onggendan a bilin, insan da impaibawag ed intiron Jerusalem tan saray arum a siudad tan baley: “Laka kayod kapokdulan, ta mangala kayo ray sanga-sangay kiew na oliba, agoo, mirto, palma, tan saray arum a mabolung a kiew, insan tayo ra gawaen ya abung-abung onung na nisulat ed Ganggan.”

Exodo 12:14

Nepeg yo yan silibraan ya agew tan sikatoy pakanudnunotan yo ed ginawak, siak a Katawan. Silibraan yo ed anggan kapigan a panaon.”

Exodo 23:14

“Diad loob na sakey taon mamitlo kayon mampista a pamagalang ed siak.

Isaias 29:1

Say altar na Dios, say dilin Jerusalem et pangaskasiyay kipapasen to! Kaskasian so siudad a nankampoan nen David! Palabasen niy sakey o duaran taon, a pati saray pista to,

Ezekiel 44:24

No walay kolkolan na totoo, saray papari so manintinsia onung ed saray ganggan ko. Nepeg a mansilibra ra onung na ibabagay ganggan tan saray totontonen, tan nepeg a ngilinan dan masanto so Agew na Panagpainawa.

Levitico 23:2

iray onggendan a totontonen a tombuken na saray totood Israel no mampista ra diad pangigalang dad Katawan.

Levitico 23:21

Diad satan ya agew tonda kayod inagew-agew a kimey yo, balet mantitipon kayon mangigalang ed Katawan. Saray kabyangay boleg yo et nepeg a tombuken da ra yan totontonen ya anggan kapigan man a panaon, tan anggan iner man so panayaman da.

Levitico 23:37

Sikara yay niganan pista a pantitipon yon mangigalang ed Katawan tan pangisaklang yo na saray bagat a kakanen, saray bagat a popoolan, saray bagat a trigo, saray arum a bagat, tan saray bagat ya alak, onung na nakaukolan ed inagew-agew.

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!