Levitico 22:23 - Maung A Balita Biblia

²³ Say bakan kalakyan odino kordiron masoluk odino kulang so imbaleg na dinan a partiy laman to et nayarin ibagat a pinalapud mabolus a linawa, balet ag nayarin isaklang a bagat diad panumpal ed sipan.

Maung a Balita Biblia

²³ Say bakan kalakyan odino kordiron masoluk odino kulang so imbaleg na dinan a partiy laman to et nayarin ibagat a pinalapud mabolus a linawa, balet ag nayarin isaklang a bagat diad panumpal ed sipan.

Levitico 22:23 Iomraidhean Croise

Exodo 35:29

Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Levitico 21:18

Ag nayarin say toon walay deral na laman to et mangibagat: say toon bulag, kitlaey, aliwaliway lupa to odino anggan anton parti na laman to;

Levitico 22:22

Ag kayo mangibabagat ed Katawan na ayep a bulag odino lopuy odino sugatan, odino walay mansayon giri to odino walay ambabasal to odino wala ray kegang to. Ag yo isasaklang a bagat a popoolan ed tapew na altar so onya ran ayep.

Levitico 22:24

Ag yo ibabagat ed Katawan so ayep a saray bokel na paltak to et apitpit, agerger, asugat, odino apotut. Diad dalin yo sebel ya.

Malakias 1:8

Abaloan yo ya anggapoy kaogsan so pangibabagat yod siak na bulag odino mansasakit, odino piley ya ayep? Sali yo pay mangiter ed gobirnador na onman a klasiy ayep? Manliket kasid sikayo odino mangiter kasi na panangasi ed sikayo?”

Deuteronomio 15:21

Balet no walay deral na laman na sarayan ayep, no lopuy ira odino bulag ira odino walay sananey a mapalalon deral na laman da, ag yo ra nepeg ya ibagat ed Katawan a Dios yo.

Deuteronomio 17:1

“Ag kayo mangibabagat ed Katawan a Dios yo na baka odino karniron walay deral na laman; kabosul ya na Katawan.