Levitico 22:18 - Maung A Balita Biblia

¹⁸ ya iter tod kindi Aaron tan saray lalakin anak to tan diad amin ya totood Israel iray onggendan a totontonen. No say sakey ya Israelita odino sakey a sangkailin manaayam ed dalin na Israel et mangisaklang na bagat a popoolan, a panumpal tod sipan to odino sakey a bagat a pinalapud mabolus a linawa, say ayep ya ibagat to et nepeg ya anggapoy deral na laman to.

Maung a Balita Biblia

¹⁸ ya iter tod kindi Aaron tan saray lalakin anak to tan diad amin ya totood Israel iray onggendan a totontonen. No say sakey ya Israelita odino sakey a sangkailin manaayam ed dalin na Israel et mangisaklang na bagat a popoolan, a panumpal tod sipan to odino sakey a bagat a pinalapud mabolus a linawa, say ayep ya ibagat to et nepeg ya anggapoy deral na laman to.

Levitico 22:18 Iomraidhean Croise

2 Saray Awaran 31:14

Si Core a lakin anak nen Imna tan sakey a Levita a pangulo da ray guardia ed Puirtay Bokig na Timplo, so makaoley a manawat tan mangibunog na saray rigalon nisaklang ed Katawan.

Saray Salmo 116:14

Diad tipon da ray amin a totoo to, iter kod sikatoy insipan ko.

Saray Salmo 116:18

Diad tipon da ray amin a totoom, diad Timplom ed Jerusalem, iter kod sikay insipan kod sika. Idayew yoy Katawan!

Saray Salmo 22:25

Idayew ta kad baleg ya olupan, lapud saray ginagawam; isaklang ko ray insipan kon bagat ed arap da ray mangigagalang ed sika.

Saray Salmo 56:12

O Dios, sumpalen koy insipan kod sika; isaklang kod sikay bagat kon pisasalamat,

Saray Salmo 61:5

Nadngel mo ray sipan ko, O Dios, tan inter mod siak so tawir da ray mangigagalang ed sika.

Saray Salmo 61:8

Diad ontan, ikantak lawas so pangidayew kod sika, diad inagew-agew a pangibagat koy insipan ko.

Saray Salmo 65:1

O Dios, manepeg a dayewen mi ka ed Sion tan sumpalen mi ray sipan mid sika,

Saray Salmo 66:13

Mangawit ak ed abung mo na saray bagat a popoolan; isaklang kod sika ray insipan ko.

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Ecclesiastes 5:4

Kanyan no mansipan ka ed Dios, ganatan mon sumpalen. Aliwan makapaliket ed sikato so toon makulang-kulang. Sumpal mo so insipan mon gawaen.

Levitico 1:10

No sakey ed saray karniro odino kanding so ibagat na samay too, nepeg a sakey a kalakyan ya anggapoy deral na laman to.

Levitico 1:2

a tombuken na saray Israelita no mangibagat ira. No mangibagat na sakey ya ayep so siopaman, nepeg a say ayep a manlapud saray baka to, odino diad saray karniro to odino diad saray kanding to.

Levitico 17:10

No walay Israelita odino sangkailin manaayam ed kawalaan da ray Israelita a mangan na dala, sumpaen na Katawan tan ag to la ibilang a sakey ed saray totoo to.

Levitico 17:13

No say sakey ya Israelita odino sakey a sangkaili a manaayam ed kawalaan da ray Israelita et mangerel na ayep odino manok a malinis onung ed ganggan, nepeg ya ipaterter tod dalin so dala to insan to tabunan na dalin.

Levitico 22:17

Say Katawan ingganggan toy Moises

Levitico 23:38

Sarayan pista et kaaruman ira na saray Agew na Panagpainawa, tan sarayan bagat et kaaruman ira na saray rigalon isasaklang yo, saray bagat a panumpal yod saray sipan yo, tan saray bagat a pinalapud mabolus a linawa ya iter yod Katawan.)

Levitico 7:16

No say sakey a too et mangyakar na bagat a para kareenan, a panumpal tod sipan to odino pangibagat tod mabulos a linawa, aliwan amin et nepeg a kanen diad agew ya impangibagat, no ag ingen say nakeraan nayarin kanen ed ontombuk ya agew.

Amos 4:5

Ituloy yoy pangibagat yo na tinapay diad pisalamat yod Dios, tan ipanta yoy masoluk a bagat yo! Sikato yay labalabay yon gawaen.

Jonas 1:16

Lapud saya mapalaloy inkataktakot dad Katawan ira may mariniro, kanyan angibagat irad sikato tan insipan dan manlingkur irad sikato.

Jonas 2:9

Balet mankanta ak na panangidayew ed sika; mangisaklang ak ed sika na bagat tan sumpalen ko so insipan ko. Manlalapud Katawan so kilalaban!”

Nahum 1:15

Bantag yo, onsasabid kapalandeyan so sakey ya ibabakin sankaawit toy maung a balita! Wala lad dalan a mangibawag na pananalo! Totood Juda, silibraan yo ray pista yo tan iter yoy sinambaan yon iter ed Dios, ta ag lan balut nalooban na saray totoon maoges so dalin yo. Sigput la ran aderal!

Malakias 1:14

Sakey a samba lalaingen so niiter ed masaol a mangibabagat ed siak na andi-kakanaan ya ayep, anta walay marakep ya ayep ed saray kokomponien to ya insipan ton iter ed siak! Lapud sakey ak a matalonggaring ya ari, tan tatakotan ak na saray totood amin a bansa.”

Saray Bilang 15:3

Say bakan kalakyan, say karniron kalakyan, say karniron kabatyan, odino say kanding et nayarin iyapay ed Katawan a sakey a bagat a popoolan, odino sakey a bagat a panumpal na sipan, odino sakey a bagat a manlapud mabolus a linawa, odino sakey a bagat no silibraan yo ray niganan pista yo; makapaliket ed Katawan so balingit na sarayan bagat.

Saray Gawgawa 18:18

Nanayam ni na amayamay ya agew si Pablo ed Corinto, insan nampatanir ed saray agagid man. Nen sinmabid Cencrea, nampapoklis lapud walay sinambaan to. Insan binmaliw lan onlad Siria, a kaiba to ray sanasawan Priscila tan Aquila.

Deuteronomio 12:17

Ag yo kakanen ed pasen a panayaman yo so dinan man ya ibagat yod Katawan: saray kakaplo na trigo yo, say alak yo, odino say larak na oliba yo, odino saray besag ya anak na saray baka tan saray karniro yo, saray rigalon isipan yon iter ed Katawan, saray bagat yon manlapud mabolus a linawa, odino saray arum a bagat.

Deuteronomio 12:6

Diman yo iyakar iray isaklang yon bagat a popoolan tan saray arum a bagat, say kakaplo na saray kayaryan yo, tan saray bagat yo, saray rigalon isipan yon iter ed Katawan, saray bagat yon manlapud mabolus a linawa yo, tan saray besag ya anak na saray baka tan saray karniro yo.

Deuteronomio 16:10

insan yo silibraan so Pista na Panagani a pamagalang yod Katawan a Dios yo, diad panamegley na pangisaklang yod sikato na bagat a manlapud mabolus a linawa onung ed karakel na ani ya impamindision tod sikayo.