Levitico 21:9 - Maung A Balita Biblia

⁹ No say anak na pari et magmaliw a marotak a bii, ipelag tod kababaingan so ama to; sayan anak nepeg a poolan ya anggad ag to ipatey.

Maung a Balita Biblia

⁹ No say anak na pari et magmaliw a marotak a bii, ipelag tod kababaingan so ama to; sayan anak nepeg a poolan ya anggad ag to ipatey.

Levitico 21:9 Iomraidhean Croise

Genesis 38:24

Kasumpal na sakey a taloy bulan, walay angikuan ed kinen Juda, “Walay piaakdulan nen manugang mon si Tamar, ta malokun.” Ingganggan nen Juda, “Ipaway yo, insan yo poolan ya anggad ag to ipatey.”

Exodo 31:14

Nepeg yon ngilinan so agew na panagpainawa, lapud masanto yan agew. Siopamay toon ag manngilin ed sayan agew, no ag ingen mankimey, nepeg a pateyen.

Isaias 33:14

Manggiwgiw ed takot iray makasalanan a totood Sion. Kuanda, “Singa apoy a mandarlang ed anggad angga so panagsintinsia na Dios. Wala kasid sikatayoy makapangitepel ed onyan dalang?”

Ezekiel 9:6

Patey yo ray matakken, malangwer a lalaki tan bibii, saray ina, tan saray anak. Balet ag yo didiwiten so siopaman a walay marka to ed muling. Igapo yo diad Timplok.” Kanyan inggapo rad saray pangulon manalalagey diman ed Timplo.

Levitico 19:29

“Ag yo ipepelag ed kababaingan iray anak yon bibii lapud panggawa yod sikaran marotak a bibii ed timplo; no gawaen yo ya, onsingger kayo ed arum a diriyos tan say dalin napano na inmoralidad.

Levitico 20:14

No say sakey a laki et asawaen toy sanina, nepeg iran poolan a talo ya anggad ag da ipatey lapud maoges a tuloy so ginawa ra; ag yo ya aabuloyan a nagawad sikayo.

Malakias 2:3

Dusaen ko ray anak yo tan ingorangur ko ray lupa yo ed saray taiy ayep ya ibabagat yo—insan kayo nibantak ed bunton na taiy ayayep.

Deuteronomio 22:21

iyakar dad satan ed lolooban na abung nen ama to, tan diman tupaken na saray lalakid siudad ya anggad ag to ipatey. Samay bii et nanggawa na makapabaing ed saray totoo tayo diad impiakdul tod laki kasakbayan na impikasal to, legan a manaayam ni ed abung nen ama to. Diad ontan, napaandipat yo yan kaogsan.

Tito 1:6

say matakken nepeg ya anggapoy pakabalawad sikato, sakey labat so asawa to, mananisia ray anak to, tan aliwa ran magolo-golo o benger.

Josue 7:15

Say toon narumog a kawalaan na saray bengatlan nepeg a deralen, poolan a pati saray kabyangay pamilya to tan amin a kayaryan to, ta makapasinagem so inter ton kababaingan ed Israel tan dineral to so impisipanan ko.”

Josue 7:25

Insan inkuanen Josue, “Akin et impelag mod sikamiy gunigon? Ipelag natan na Katawan so gunigon ed sika!” Amin da ray totoo sirin tinutupak da si Acan ya anggad ag to impatey; tinutupak tan pinopoolan da met iray kabyangay pamilya to tan amin a kayaryan to.

1 Samuel 2:17

Sayan kasalanan na saray lalakin anak nen Eli et ambelat a tuloy ed arap na Katawan, lapud nilemlemew da ray bagat ed Katawan.

1 Samuel 2:34

No saray duaran lalakin anak mo a di Ofni tan Finees et ompatey irad saksakey ya agew, mangipanengneng yad sika ya ontua ray amin ya imbagak.