Levitico 21:22 - Maung A Balita Biblia

²² Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;

Maung a Balita Biblia

²² Sayan toon walay deral na laman to et nayarin mangan na kakanen ya imbagat ed siak, say masanton bagat a kakanen odino say masanton tuloy a bagat a kakanen;

Levitico 21:22 Iomraidhean Croise

Levitico 10:12

Si Moises inkuantod kinen Aaron tan saray nakdaan a lalakin anak to a di Eleazar tan Itamar, “Ala yoy bagat a trigo ya akeraan ed bagat a popoolan ed Katawan, gawa yon tinapay ya anggapoy libadura insan yo kanen ed abay na altar, lapud masanton tuloy yan bagat.

Levitico 10:17

“Akin et ag yo inakan ed masanton pasen imay bagat a para kasalanan? Masanton tuloy iman, et say Katawan inter tod sikayo pian napaandi toy kasalanan na amin da ray Israelita.

Levitico 14:13

Pateyen to may kordiro diad masanton pasen a panamateyan ed saray ayep ya ibagat para kasalanan tan saray ayep ya ibagat a popoolan. Nepeg to yan gawaen lapud say bagat a pambayar et kayaryan na pari tan masanton tuloy a singa bagat a para kasalanan.

Levitico 2:10

Kayaryan na saray papari so soluk ed sayan bagat; masanto yan tuloy, ta inala ed kakanen ya imbagat ed Katawan.

Levitico 2:3

Kayaryan na saray papari so soluk ed sayan bagat a trigo; masanto yan tuloy, ta inala ed kakanen ya imbagat ed Katawan.

Levitico 21:23

balet lapud walay deral na laman to, ag nayarin onsingger ed masanton kurtina odino diad altar. Ag to nepeg a dotakan ira yan masanton bengatla, lapud siak so Katawan a mamapasantod sikara.”

Levitico 22:25

Ag yo isasaklang a bagat a kakanen so ayep a nanlapud saray sangkaili. Sayan ayep et nibilang a walay deral na laman to kanyan ag nayarin ibagat.

Levitico 22:7

Kaselek na agew sikato lay malinis, tan nayarian to lan kanen iray masanton bagat a sikaray kakanen to.

Levitico 27:28

Ag nayarin ilako o dondonen na sakey a too so insaklang ton sigput ed Katawan; nayarin too, ayep, odino dalin. Masanto tan anggad anggan kayaryan na Katawan yan insaklang to.

Levitico 6:10

Insan say pari ya akasolung na linen a tunika tan linen a pantalon a potut ekalen to ray dapul ya atilak ed altar tan iyan to ra ed dapag na samay altar.

Levitico 6:29

Siopamay lakin kabyangan na pamilyay pari et nayarian toy mangan ed sayan bagat; masanton tuloy yan bagat.

Levitico 7:1

Saray onggendan a totontonen et nipaakar ed saray bagat a pambayar, masanton tuloy ira.

Levitico 7:6

Siopamay lakin kabyangan na pamilyay pari et nayarian toy mangan ed sayan bagat, balet nepeg a kanen ed sakey a masanton pasen, lapud masanton tuloy yan bagat.

Saray Bilang 18:19

“Iter kod sika, tan saray anak mon lalaki tan bibii iray amin a nidoma-doman bagat ya insaklang ed siak na saray Israelita; kayaryan yo ra ya anggad angga. Ag naderal yan impisipanan kod sika tan saray kabyangay boleg mo.”

1 CORINTO 9:13

Ag yo ta kabat a saray manlilingkur ed Timplo et diad Timplo met so pangaalaan day kakanen da, tan saray mangibabagat ed altar et minanabang irad saray ibabagat?