Levitico 21:1 - Maung A Balita Biblia

¹ Say Katawan ingganggan toy Moises ya ikuantod saray paparin anak nen Aaron, “Nepeg a say pari ag to dotakay sikaton dili onung ed ganggan diad pibiang tod sirimonyay pompon na kanayon to,

Maung a Balita Biblia

¹ Say Katawan ingganggan toy Moises ya ikuantod saray paparin anak nen Aaron, Nepeg a say pari ag to dotakay sikaton dili onung ed ganggan diad pibiang tod sirimonyay pompon na kanayon to,

Levitico 21:1 Iomraidhean Croise

Ezekiel 44:25

“Say sakey a pari ag nepeg a magmaliw a marotak onung ed ganggan lapud paniwit tod sakey a bangkay, likud ed bangkay na sakey ed saray atateng to, odino sakey ed saray anak to, odino agi ton laki odino agi ton marikit.

Oseas 5:1

“Dengel kayod sayan salita, sikayo ran papari! Manimano kayo, sikayo ran totood Israel! Dengel kayo, sikayon kabyangay pamilya na ari! Nepeg yo komun so manintinsia onung ed katonungan—kanyan sikayo so nasintinsiaan a nadusa! Nagmaliw kayon patit diad Mizpa, nagmaliw kayon sakey ya iket ya akapanat ed Palandey na Tabor;

Levitico 19:28

ni tatatakan so laman yo odino salsalgeran so laman yo lapud panermen yod inatey yo. Siak so Katawan.

Levitico 21:11

Sikatoy nisaklang ed siak kanyan ag to nepeg a dotakan so sikaton dili onung ed ganggan odino dotakan toy masanton Tulda diad itaynan tod man tan iloob tod abung a kawalaay bangkay, anggan say inatey et say dilin ama o ina to. Siak so Katawan.

Malakias 2:1

Say Katawan a Makapanyarin-amin kuantod saray papari, “Para sikayo yan ganggan!

Malakias 2:4

Insan nakabatan yo ya inter kod sikayo yan ganggan, pian ag naderal so impisipanan kod saray paparin kabyangan iray boleg nen Levi.

Saray Bilang 19:11

Siopamay maniwit na bangkay et pitoy agew a marotak onung ed ganggan.

Saray Bilang 19:14

Saya so ganggan no walay toon ompatey ed dalem na sakey a tulda: pitoy agew a marotak onung ed ganggan so siopaman a walad dalem na samay tulda tan siopaman ya onloob.

Saray Bilang 19:16

Magmaliw a marotak a pitoy agew so siopaman a maniwit ed toon pinatey odino inatey a bukor ed paway na ayaman, odino siopaman a maniwit na pokel na inatey odino maniwit na lobuk.

Saray Bilang 5:2

“Iganggan mod saray totood Israel a papawayen dad kampo iray amin ya akating odino walay ompapaway ed laman da tan amin iray totoon marotak lapud impakadiwit dad bangkay.

Saray Bilang 6:6

Say buek to tanda na inkisaklang tod Dios. Ag to nepeg a dotakan so sikaton dili, kanyan ag nepeg ya onsingger ed bangkay ya anggan say bangkay na ateng odino agi to.