Levitico 2:1 - Maung A Balita Biblia

¹ No say sakey a too et mangisaklang ed Katawan na bagat a trigo, nepeg to nin gilingen a pagmaliwen ya arina. Patoroan to na larak na oliba tan tapewan to na insinso,

Maung a Balita Biblia

¹ No say sakey a too et mangisaklang ed Katawan na bagat a trigo, nepeg to nin gilingen a pagmaliwen ya arina. Patoroan to na larak na oliba tan tapewan to na insinso,

Levitico 2:1 Iomraidhean Croise

Exodo 29:2

Ikanam so sankaabigan ya arina, balet ag mo lalaukan na libadura, diad panggawam na tinapay. Igawam ed larak na oliba so arum ya arina, say arum igawam ya anggapoy larak, tan say arum gawam a maimpis a kanen a pinoranisay larak.

Isaias 43:23

Ag mo ak inyakaran na karnirom a para bagat a popoolan; ag mo inkanan pangigalang ed siak iray bagat mo. Ag ta ka impansakbat na ambelat diad impamilit kod sikan mangibagat odino pinairap ta ka diad impankerew kod sikay insinso.

Isaias 66:20

Manlapud saray bansa papawilen da ray kadalaan yo a sikaray rigalod siak. Iyakar da rad masanton palandey ed Jerusalem ya akakabayo rad mula, kabayo, tan diad saray kamilyo, tan saray arum akalogan irad karwahi tan diad saray kariton, a singa saray Israelita a mangyaakar ed Timplo na saray bagat da a trigo ya akakargad saray pananginan a malinis onung ed ganggan.

Ezekiel 46:20

tan kuanto, “Sikato yay pasen a panlambungan na saray papari ed saray karnin nibagat a para kasalanan odino nibagat a para pambayar, tan dia met so panlutuan dad saray bagat ya arina, pian anggapoy masanton bengatla a niakar ed patiod paway, a nayarin napasakitan to ray totoo.”

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Levitico 14:10

Diad kumawalon agew sikatoy mangyakar na laman a duaran kordiron kalakyan tan sakey a kordiron kabatyan a sakey taon ya anggapoy deral na laman da, duaran kilon arina ya inkames ed larak na oliba tan talora tan kapalduan litro a larak na oliba.

Levitico 24:7

Mangyan kayo na daiset ya insinso ed kapag dasig, a pakapatnagan a sikatoy bagat a popoolan ed Katawan, a mangalay pasen na tinapay.

Levitico 5:11

No ag nayarian na sakey a too so mangibagat na duaran palekpek odino duaran malangwer a malapati lapud irap na bilay to, mangyakar na sakey kilon arina a bagat ton para kasalanan. Ag to laukan na larak na oliba odino insinso, lapud bagat a para kasalanan.

Levitico 6:7

Say pari ibagat to so ayep a pangekal na kasalanan to yan too, et napirdona yan too.

Levitico 9:17

Inyapay to may bagat a trigo, angala na sankaakup ya arina tan pinoolan tod tapew na altar. (Kaaruman ya na inagew-agew a bagat a popoolan.)

Levitico 9:4

tan sakey a bakan kalakyan tan sakey a kordiron kalakyan ta ibagat da ran para kareenan. Ibagat da ra ya ed Katawan a katekep da so bagat a trigo ya inkames ed larak. Nepeg da yan gawaen ta say Katawan mampanengneng ed sikara natan.”

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Saray Bilang 18:9

Diad saray sankasantosan a bagat ya ag ira poolan ed tapew na altar, saray onggendan so kayaryan yo: saray bagat a trigo, saray bagat a para kasalanan, saray bagat a pambayar. Amin a masanton nisaklang ed siak et kayaryan mo tan saray anak mo.

Saray Bilang 28:5

Kapag sakey ed sikara katekep to so sakey kilon arina a nikames ed sakey litron sankaabigan a larak na oliba.

Saray Bilang 29:18

Ibagat yo ra ya a katekep da ray arum nin bagat a kinaukolan ed ononan agew na pista.

Saray Bilang 8:8

Insan irad satan mangyakar na sakey a kilaw a bakan kalakyan tan say kaukolan a bagat a trigo a salanti say arinan nikames ed larak na oliba; mangyakar ka met na sananey a bakan kalakyan ya ibagat a para kasalanan.

Juan 6:35

Inkuanen Jesus, “Siak so tinapay na bilay. Ag lan balut naerasan so siopaman ya ondagod siak, tan ag lan balut naapgaan so manisiad siak.

1 Juan 2:20

Balet amin yo amta yoy katwaan, ta niiter lay Ispiritu Santo ed sikayo.

1 Juan 2:27

Balet nipaakar ed sikayo, inter nen Cristo so Ispiritu tod sikayo. Dapot mansiansiay Ispiritu tod sikayo, ag yo nakaukolay siopaman a mangibangat ed sikayo. Say Ispiritu to so mangibangat ed sikayo na amin a bengatla, tan say katwaan so ibangat tod sikayo, aliwan say tila. Onur yo sirin so bangat na Ispiritu tan mansiansia kayod Cristo.

Judas 1:20

Balet mampabiskeg kayo, inararon agagi, ed sankasantosan a pananisia yo. Mampikasi kayo diad pakayari na Ispiritu Santo.

Puyan 8:3

Sinmabiy sananey ya anghil a sankaawit toy balituk a pananginay insinso, tan linman inmalagey ed arap na altar. Naitday dakerakel ya insinso ya intekep tod saray pikakasi da ray amin a totooy Dios, insan to imbagat ed balituk ya altar a walad arap na trono.