Levitico 19:32 - Maung A Balita Biblia

³² “Itdan yoy lugar iray mamatakken tan igalang yo ra. Takotan yo ak a Katawan a Dios.

Maung a Balita Biblia

³² Itdan yoy lugar iray mamatakken tan igalang yo ra. Takotan yo ak a Katawan a Dios.

Levitico 19:32 Iomraidhean Croise

Genesis 31:35

Inkuanen Raquel ed kinen ama to, “Ag yo ak pamapasnukan; ta ag ak makaalagey ed arap yo, ta sinmabid siak so binulan a sakit min bibii.” Inanap nen Laban iray diriyos to, balet ag to ra nalmo.

Genesis 48:12

Inala nen Jose ira may ogogaw ed akwalan nen Jacob tan dinmakmomon anggad dalin so lupa to.

1 Saray Arari 2:19

Kanyan linmay Bat-seba ed ari, ta isalitaan toy Adonias. Inmalagey so ari a pangilugay tod ina to, insan tinmuek ya angigalang. Inmirung ed trono to tan amaiyan na yorungan ed nikawanan to tan inirungan nen ina to.

2 Saray Arari 17:36

Nepeg yo ak a takotan, siak a Katawan, ya angipaway ed sikayod Egipto diad panamegley na baleg a pakayari; nepeg kayon ondakmomod siak tan mangibagat ed siak.

Say Libro nen Job 32:4

Sankaogawan ed sikarad man si Eliu kanyan ag inmesel ya anggad asumpal iran amin a nansalita.

Say Libro nen Job 32:6

ginapwan toy nansalita: “Ogaw ak ni, tan masiken kayo la, kanyan nababaingan tan natatakot ak a mangibagad sikayoy walad kanunotan ko.

Probirbio 16:31

Say andokey a bilay et sikatoy tumang na saray totoon matonung; mapagalang a korona so ampotin buek.

Probirbio 20:29

Say kagalangan na saray tobun-balo et say biskeg da, balet say talonggaring na saray matakken et saray oban na olo ra.

Probirbio 23:22

Dengel kad amam; no anggapo, anggapoy bilay mo. No akolaw lay inam, ipanengneng mod sikatoy utang na linawam.

Isaias 3:5

Mampapairapan tan manlalamesan so balang sakey ed sikara. Saray tobun-balo ag da pagalangan iray pangulowan da, tan saray andi-kakanaan a totoo ag da italtalek iray walad pakaoley.

Saray Tagleey 5:12

Narel tan nibitay iray pangulo mi; ag da inggalang iray mamatakken mi.

Levitico 19:14

Ag yo aayewen so toon telek; ag kayo mangiiyan na antokaman a pakapateran na toon bulag. Takotan yo ak; siak so Katawan a Dios yo.

Saray Taga Roma 13:7

Iter yo sirin ed sikaran amin so kanepegan da ya awaten; bayaran yoy lisinsia yo tan buis yo ed saray nepeg a pambayaran; takotan yo ray nepeg a takotan, tan igalang yo ray nepeg a galangen.

1 Timoteo 5:1

Ag mo pampapasnukay toon matakken nen sika, no ag ingen pitongtongan mo a singa amam. Ipasen mon singa agagim iray lalakin tubon-balo.

1 Pedro 2:17

Pagalangan yo ray amin a katoowan tan aro yo ray kapara yon mananisian agagid Cristo. Mambilay kayon walay takot ed Dios tan walay panangigalang ed Impirador.