Levitico 19:26 - Maung A Balita Biblia

²⁶ “Ag kayo mangakan na karnin nandala ni. Ag kayo manggagawa na antokaman a panagbuyon odino panagsalamangka diad pananulong na maoges ya ispiritu.

Maung a Balita Biblia

²⁶ Ag kayo mangakan na karnin nandala ni. Ag kayo manggagawa na antokaman a panagbuyon odino panagsalamangka diad pananulong na maoges ya ispiritu.

Levitico 19:26 Iomraidhean Croise

Genesis 44:5

Akin et tinakew yoy pilak a kupa to? Sikato man a kupa so paniinoman to tan pampaparlesan to. Balbaleg a kaogsan so ginawa yo!’”

Genesis 9:4

Say ag nayarin kanen yo et say karni a nandala, ta walad dala so bilay.

2 Saray Arari 17:17

Insaklang dan bagat a popoolan ed saray paganon diriyos iray anak dan lalaki tan bibii; angipanonan da ray manangipanon ed saray ispiritu na inatey tan saray managparles, tan sigput dan ginawa ray maoges ed arap na Katawan, kanyan impanpasnuk da.

2 Saray Arari 21:6

Insaklang ton bagat a popoolan so lakin anak to. Nambubuyon tan nampaparles tan nampapanon ed saray panagpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

2 Saray Awaran 33:6

Insaklang ton bagat a popoolan ed Patar na Hinom iray lalakin anak to. Nambubuyon tan nansasalamangka; nampapanon ed saray managpalar tan saray manangipanon ed saray ispiritu na inaatey. Mapalaloy impankasalanan tod Katawan, kanyan impanpasnuk to.

Exodo 7:11

Insan impaawit na ari iray makabat a totoo to tan saray managsalamangka to, tan diad dunong dan mansalamangka ginawa ra so singa agawad baston nen Aaron.

Exodo 8:7

Balet saramay managsalamangka impakana ray donung dan mansalamangka, tan pinasakbit da met iray patang ed intiron bansa.

Jeremias 10:2

Kuanto, “Ag yo aaligen so kabibilay na saray totoo ed arum a bansa, tan ag kayo nagugunigon ed saray tanda a nanengneng yo ed tawen, anggaman a natatakot iray taga arum a bansa.

Daniel 2:10

Inmebat ira may sumisimbawa, “Anggapod tapew na dalin, Kagalang ya Ari, so siopaman a makapangibagad sika na labay mon amtaen. Anggapoy ari, ya anggan say sankatalonggaringan tan sankamakapanyarian ed sikara, a mangiganggan na singa igaganggan mod saray managpalar, saray salamangkiro, tan saray managanitom.

Levitico 19:25

Balet diad kumaliman taon nayarian yo lan kanen so bunga ra. No sumpalen yo ya, mambunga na dakel iray kakiewan yo. Siak so Katawan a Dios yo.

Levitico 3:17

Anggapoy Israelita a nayarin mangan na taba odino dala; sayan totontonen et nepeg a sumpalen na amin ya Israelita ed anggan kapigan tan iner man a panaayaman da.

Levitico 7:26

Anggan iner so panaayaman na saray Israelita, ag da nepeg a kanen so dala na manok odino ayep.

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Saray Gawgawa 15:20

Sulaten ti ra ingen tan ibaga tayon ag ira mangan na antokaman ya imbagat ed saray diriyos; ag ira manggaway inmoralidad; ag ira mangan na ayep a tinikel, tan say dala.

Deuteronomio 12:16

Balet ag yo nepeg a kanen so dala ra; nepeg yon ikalbo ed dalin a singa say danum.

Deuteronomio 12:23

Balet ag yo kakanen so karnin nandala, ta say bilay wala ed dala, tan ag yo nepeg a kanen so bilay a walad karni.

Deuteronomio 15:23

Balet ag yo kakanen so dala ra; ikalbo yo ingen ed dalin a singa say danum.

1 Samuel 14:32

kanyan nanlulumbaan irad saray asamsam dad saray kalaban da, inaala da ray karniro, saray baka, tan saray kilaw, pinapatas da ran tampol diman, tan kinakakan da ran walay dala.

1 Samuel 14:33

Nibagad kinen Saul, “Nengneng mo, mankakasalanan ed Katawan iray totoo diad papangan day karnin walay dala.” “Traidor kayo!” eyag nen Saul. “Mangitolin kayo diad abay ko na baleg a bato.”

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”