Levitico 19:12 - Maung A Balita Biblia

¹² Ag kayo mansisipan ed ngaran ko no ag yo lamlamang tooren; saya et makapangipelag ed kababaingan na ngaran ko. Siak so Katawan a Dios yo.

Maung a Balita Biblia

¹² Ag kayo mansisipan ed ngaran ko no ag yo lamlamang tooren; saya et makapangipelag ed kababaingan na ngaran ko. Siak so Katawan a Dios yo.

Levitico 19:12 Iomraidhean Croise

Saray Salmo 15:4

Babalawen to ray totoon ipopolisay na Dios, balet gagalangen to ray mangoonur ed Katawan. Susumpalen toy amin ya insipan to, anggan antoy nagawad sikato.

Exodo 20:7

“Ag mo ikakanad maoges iran getma so ngaran ko a Yahweh a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Isaias 48:1

Dengel yo ya, sikayo ran totood Israel, sikayo ran totoon say sengeg yo et si Juda: Mansasamba kayod ngaran na Katawan tan ibabaga yon igagalang yoy Dios na Israel— balet anggapoy kabaliksan iray salita yo.

Jeremias 34:16

Balet angoman kayo lamet na kanunotan tan ag yo ak pinagalangan. Binabawi yon amin ira may aripen ya imbobolus yo onung na labay da, tan pinasoot yo ra lamet ya inaripen.

Jeremias 4:2

Diad satan, matwa, matonung, tan maptek so pansamba yo ed ngaran ko. Insan kerewen na amin a bansa a bindisionan ko ra, tan dayewen da ak.”

Jeremias 5:2

Anggaman a mansasamba kayod ngaran na Katawan, ag yo lamlamang totooren iray salita yo.

Jeremias 7:9

Mantatakew kayo, mamapatey kayoy totoo, milalawanan kayo, anta nansamba kayo mantitila kayo, mangibabagat kayod Baal, tan mangigagalang kayod saray arum a diriyos ya ag yo ra kabat nen saman.

Levitico 18:21

Ag mo aabuloyan a saray anak mo et nikana ra ed pangigalang ed diyos-diyos a Moloc, ta mangipelag ya ed kababaingan na ngaran na Dios.

Levitico 20:3

No walad sikayoy mangiter ed Moloc na sakey ed saray anak to tan dotakan toy masanton Tuldak tan ipelag ton kababaingan so masanton ngaran ko, sumpaen ko tan ag ko la ibilang a sakey ed saray totook.

Levitico 6:3

odino lapud impangibori to ed nalmo ton bengatla ya abalang tan nansamba ni ingen ya ag to nalmo.

Zacarias 5:3

Insan inkuantod siak, “Nisulat ed saman a babasaen so samba ya onsabi ed intiron dalin. Diad sakey a dapag na samay babasaen, ibabaga to a napagit ed dalin iray amin a matakew; tan diad sakey a dapag ibabaga to a napagit ya amin iray totoo a mansasambad pantitila ra.

Zacarias 5:4

Ibabaga na Katawan a Makapanyarin-amin ya ibaki to yan samba tan onloob ed abung na balang matakew tan diad abung na balang toon mansasamba ed pantitila to. Mansiansia ed kaabungan da tan taynan to ran aderal-deral.”

Malakias 3:5

Say Katawan a Makapanyarin-amin kuanto, “Onsabi ak a manintinsia ed sikayo, tan mantasi ak a tampol sumpad saray managsalamangkiro, saray managlawan, saray mantatasi na tila-tila ed korti, saray manasaol na suildo da ray kumikimey, tan saray mamapasegsegang ed saray balon bibii, saray olila, tan saray sangkaili—amin da ray mangigagalang ed siak.

Deuteronomio 5:11

“Ag mo ikakanad maoges iran getma so ngaran ko a Yahweh, a Dios mo, ta dusaen koy siopaman a mangikanad ngaran ko diad andi-kakanaan a pamaakaran.

Santiago 5:12

Manonad amin, agagik, ag kayo mansasamba no mansipan kayo. Ag yo pansasambaay tawen, o say dalin, o arum ni ran pansambaan. Duga lay pangibaga yoy “On” no on, tan “Andi” no andi, pian ag kayo sintinsiaay Dios.