Levitico 19:10 - Maung A Balita Biblia

¹⁰ Ag yo totortoren iray atilak a bungay igos kayari yon mamborbor, ni dodokdoken iray napnaplag ed dalin; paolyan yo la ran para saray mairap-bilay odino saray sangkaili. Siak so Katawan a Dios yo.

Maung a Balita Biblia

¹⁰ Ag yo totortoren iray atilak a bungay igos kayari yon mamborbor, ni dodokdoken iray napnaplag ed dalin; paolyan yo la ran para saray mairap-bilay odino saray sangkaili. Siak so Katawan a Dios yo.

Levitico 19:10 Iomraidhean Croise

Isaias 17:6

Pigpigaray makapaliis ed patey; say Israel magmaliw a singa sakey a kiew na oliba ya aborbor la ray bunga to likud ed duara o taloran atilak ed toktok, odino apatira o limaran atilak ed saray sanga to. Siak, say Katawan a Dios na Israel, so nansalita.”

Isaias 24:13

Onyay nagawad balang bansa ed intiron mundo. Say nagawa et singa pansamput na borbor na bunga, no apaspas la ray bunga ed amin a kiew na oliba tan aborbor lan amiy bunga na sengeg na ubas.

Jeremias 49:9

No manalay ubas iray managborbor, wala ray itilak dan bunga ed saray wakal; no onsabid labi iray matakew, mangala ra labat na labalabay da.

Levitico 11:44

Siak so Katawan a Dios yo, kanyan nepeg a masanto kayo ta siak et masanto ak.

Levitico 19:11

“Ag kayo mantatakew odino manasaol odino mantitila.

Levitico 19:25

Balet diad kumaliman taon nayarian yo lan kanen so bunga ra. No sumpalen yo ya, mambunga na dakel iray kakiewan yo. Siak so Katawan a Dios yo.

Levitico 19:9

“No manani kayod saray kaalogan yo, ag yo gagapasen iray walad saray gilig na kaalogan yo tan ag yo la papawilen a tortoren iray atilak-tilak.

Levitico 23:22

No manani kayod saray kaalogan yo, ag yo gagapasen iray walad saray gilig na kaalogan yo, tan ag yo la papawilen a tortoren iray atilak-tilak; itilak yo la ran para saray mairap-bilay tan saray sangkaili. Say Katawan et sikatoy Dios yo.

Levitico 25:6

Anggaman ya ag adalusan so dalin ed satan a taon, itdan to kayo na kanen yo, saray aripen yo, saray uupaan yon totoo, saray sangkailin manaayam ed sikato,

Obadias 1:5

“No onloob ed labi iray matatakew, alaen da labat iray labalabay da. No mamborbor na ubas iray totoo, walan walay ikera dan natortor. Balet sigput kayon dineral na saray kalaban yo.

Mikias 7:1

Pakaskasi ak la! Singa ak sakey a toon narasan ya anggapoy narumog ton akeraan a bungay kakiewan tan anggapoy bungay ubas a nakdaan ed saray wakal. Aborbor ya amin iray bungay ubas tan amin a masamit ya igos.

Deuteronomio 24:19

“No manggapas kayod alog yo et alingwanan yoy arum a ginapas yo, ag yo la papawilen ya alaen; nepeg ya itilak la rad man a para saray sangkaili, saray olila, tan saray bibiin balo, pian say Katawan a Dios yo et bindisionan toy amin a gawaen yo.

Deuteronomio 24:20

No mamborbor kayod kaolibaan yo, ag yo la papawilen a tortoren so atilak; nepeg a betang la ra na saray sangkaili, saray olila, tan saray bibiin balo.

Deuteronomio 24:21

No mamborbor kayod kaubasan yo; ag yo papawilen a tortoren iray atilak; nepeg a betang la ra na saray sangkaili, saray ilila, tan saray bibiin balo.

Saray Huis 8:2

Balet inkuantod sikara, “Say agawaan ko et ag nayarin ipara ed ginawa yo. Say anggan melag ya agawaan yo, sikayon lalaki ed Efraim, et maung ni nen say agawaan na amin a kabyangan na boleg ko.

Ruth 2:2

Aminsan ya agew inkuanen Ruth a Moabita ed kinen Noemi, “Abuloyan yo ak pan mantortor ed kaalogan. Angangko walay manaanin mangasid siak ya ontombuk ak ed sikato.” Inmebat si Noemi, “On, anak ko, laka.”