Levitico 18:5 - Maung A Balita Biblia

⁵ Tombuk yo ray ganggan tan saray bilin ya iter kod sikayo; makapansiansia kayon mambilay no onuren yo ra. Siak so Katawan.”

Maung a Balita Biblia

⁵ Tombuk yo ray ganggan tan saray bilin ya iter kod sikayo; makapansiansia kayon mambilay no onuren yo ra. Siak so Katawan.

Levitico 18:5 Iomraidhean Croise

Nehemias 9:29

Pinasakbayan mo ran onuren da ray ganggan mo balet lapud panagpasirayew da ag da ra inonur, anggaman a say pangonur ed Ganggan mo et pakagamuran na bilay. Diad kinaawet na olo ra tan inkabangar da, ag da labay so ontoluk.

Exodo 6:2

Akisalitay Dios ed kinen Moises tan kuanto, “Siak so Katawan.

Exodo 6:29

inkuanto, “Siak so Katawan. Salitam ed ari na Egipto iray amin ya ibabagak ed sika.”

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Isaias 55:3

“Dengel kayo natan, sikayon totook, tan dago kayod siak; dago kayod siak et nawalaan kayoy bilay! Ando lan andoy pisipanan kod sikayo tan iter kod sikayoy bindision ya insipan kod kinen David.

Ezekiel 18:9

Oonuren to ray ganggan ko tan aapigeren ton sumpalen iray bangat ko. Sayan too so tuan matonung, et sikatoy mambilay,” kuay Katawan a Dios.

Ezekiel 20:11

Inter tan imbangat kod sikara iray ganggan ko a mangiter na bilay ed saray mangoonur.

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Ezekiel 20:21

“Balet sinumlang ak met na saman a kailalakan. Sinumpa da ray bilin ko tan ag da inonur iray ganggan ko a mangiter na bilay ed saray mangonur. Ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Levitico 18:6

Say Katawan inter to ray onggendan a totontonen. Ag kayo miaakdul ed siopaman ya asingger a kanayon yo. Siak so Katawan.

Malakias 3:6

“Siak so Katawan, ag ak mangoman. Kanyan sikayo ran kabyangay boleg nen Jacob et ag kayo ni sigput a naoput.

Mateo 19:17

Inmebat si Jesus, “Akin et tetepetan mo ak no antoy maung? Saksakey labat so maung. No labay mon nagamuray bilay, onur mo ray ganggan.”

Lucas 10:28

“Dugay ebat mo,” kuanen Jesus. “Onur mo itan et nagamuran moy bilay ya andi-anggaan.”

Saray Taga Roma 10:5

Onya so insulat nen Moises, nipaakar ed pakapaandi na kasalanay too ed arap na Dios lapud panangonur ed Ganggan: “Mambilay so toon mangoonur ed ibabagay Ganggan.”

Saray Taga Roma 7:10

tan siak so inatey. Say ganggan sirin a nepeg a mangiter na bilay, patey la laingey inter tod siak.

TAGA GALACIA 3:12

Balet ag onsasaral so Ganggan ed pananisia, ta ibabagay Masanton Sulat, “Say toon ononur ed ibabagay Ganggan mambilay ed panamegley to.”

Deuteronomio 30:20

Aro yo so Katawan a Dios yo, onur yo tan mansiansia kayon matoor ed sikato, et diad ontan saray kabyangay boleg yo et mambilay ira na andokey ed dalin ya insipan ton iter ed saray lalaki yon di Abraham, Isaac, tan Jacob.”

Deuteronomio 30:6

Say Katawan a Dios yo et itdan to kayo tan saray kabyangay boleg yo na matoluk a puso pian aroen yo ed intiron puso yo, et mansiansia kayon manayam ed saman a dalin.

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.