Levitico 18:30 - Maung A Balita Biblia

³⁰ Say Katawan kuanto, “Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.”

Maung a Balita Biblia

³⁰ Say Katawan kuanto, Sumpal yo ray ganggan ya iter kod sikayo tan ag yo aaligen iray kagagawa na saray totoon manaayam ed dalin a laen yo, tan ag yo dodotakan so sikayon dili diad panggawa yod dinan man ed saraya. Siak so Katawan a Dios yo.

Levitico 18:30 Iomraidhean Croise

1 Saray Arari 14:24

Say sankaogsan ed amin a ginagawa ra et say inkiwala na saray lalaki tan saray bibiin marotak diad saray ginagawa ran altar. Inalig na saray totood Juda iray amin a bengatlan makapabaing a ginagawa na saray totoon pinataynan na Katawan nen nilooban na saray Israelita so bansa.

1 Saray Arari 21:26

Nanggagawa na saray makapabaing a tuloy a kasalanan na panangigalang ed saray talintao, a singa ginagawa na saray Amorreo, saray totoon pinataynan na Katawan ed dalin nen nilooban na saray Israelita.)

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Levitico 18:29

Ta siopamay manggawad sarayan mabambanday a kagagawa et ag la nibilang a sakey ed saray totoo na Dios.

Levitico 19:1

Say Katawan kuantod saray Israelita diad panamegley nen Moises, “Nepeg a masanto kayo, ta siak a Katawan a Dios yo et masanto.

Levitico 20:23

Ag yo aaligen iray kagagawa na saray totoon manaayam diman; pataynanen ko ra may paganon totoo pian makaloob kayo. Lapud saray maoges a gagawaen da, pinaingungot da ak.

Levitico 22:9

“Amin a pari nepeg a tombuken da ray totontonen ya inter ko. No ag da ra tombuken, mankasalanan ira tan ompatey ira, lapud sinumlang da ray masanton totontonen. Siak so Katawan a mapasantod sikara.

Deuteronomio 11:1

“Aro yo so Katawan a Dios yo tan onur yo lawas iray amin a ganggan to.

Deuteronomio 12:30

Kayarin deralen na Katawan ira yan bansa, manalwar kayo, ta ompan napatitan kayon mangigalang ed saray diriyos da. Ag yo oosisaen no panoy panangigalang da, ompan aligen yo ra.

Deuteronomio 12:31

Ag yo ipapara so panangigalang yod Dios yo ed panangigalang da ed saray diriyos da, ta diad panangigalang dad saray diriyos da gagawaen da ray amin a makapaingungot a kabosul na Katawan. Ibabagat da ni ingen ed apoy na saray altar da iray anak da.

Saray Huis 20:6

Inalak so bangkay to, tinetegteg ko, insan ko impaiyakar so sakey a tegteg ed balang tribu na Israel. Nanggawa ra man a totoo na maoges tan mabanday a bengatla sumpad sikatayo.