Levitico 17:15 - Maung A Balita Biblia

¹⁵ Siopaman a too, Israelita man odino sangkaili, a mangan na karni na ayep ya inatey a bukor odino pinatey na ayep ed takel et nepeg ya ipesak toy kawes to, manames, tan manalagar ya anggad labi kasakbayan a magmaliw a malinis onung ed ganggan.

Maung a Balita Biblia

¹⁵ Siopaman a too, Israelita man odino sangkaili, a mangan na karni na ayep ya inatey a bukor odino pinatey na ayep ed takel et nepeg ya ipesak toy kawes to, manames, tan manalagar ya anggad labi kasakbayan a magmaliw a malinis onung ed ganggan.

Levitico 17:15 Iomraidhean Croise

Exodo 22:30

Iter yod siak iray besag ya anak na baka tan karniro yo. Piamung yon pitoran agew ed ina to so besag a kalakyan, insan yo ibagat ed siak no kumawalon agew.

Exodo 22:31

“Sikayo ray totook, kanyan ag yo kakanen so karni na dinanman ya ayep a pinatey na saray ayep ed takel; iter yo lad saray aso.

Ezekiel 4:14

Balet inmebat ak, “Andi, Katawan a Dios! Ag ko ni dinotakan so siak a dili onung ed Ganggan. Nanlapu lad impanogaw ko ag ak nin balut angan na karniy ayep a basta inatey odino pinatey na ayep ed katakelan. Ag ak nin balut angan na kakanen a marotak onung ed Ganggan.”

Ezekiel 44:31

Saray papari et ag ira nepeg a mangan na manok o ayep ya inatey a bukor odino pinatey na kapara ton ayep.”

Levitico 11:24

Siopamay makadiwit ed inatey a laman na saray onggendan ya ayayep et marotak ya anggad labi: amin ya ayayep a nankoko likud no pisag so koko ra tan mamparintek ira, tan amin ya ayayep ya apatiray sali tan andorokey so koko ra. Siopamay manawit na inatey a laman da ra yan ayayep nepeg ya ipesak toy kawes to, balet sikatoy marotak ni ya anggad labi.

Levitico 11:31

Siopamay maniwit ed saraya odino say inatey a laman da et marotak ya anggad labi.

Levitico 11:32

Amin a bengatlan adapoan na laman dan inatey et marotak. Sarayan bengatla et tabla, abel, katat, odino sako ya anggan antoy pangikakanaan. Nakaukolan ya itaksaw irad danum balet mansiansia ran marotak ya anggad labi.

Levitico 11:39

Siopamay makadiwit na inatey a laman na sakey a nayarin kanen et magmaliw a marotak ya anggad labi.

Levitico 11:40

No walay mangan na anggan dinan a parti na samay inatey ya ayep, nepeg ton ipesak so kawes to, balet sikato niy marotak ya anggad labi; siopamay manawit na inatey ya ayep nepeg ya ipesak toy kawes to, balet sikato niy marotak ya anggad labi.

Levitico 15:10

Siopamay makadiwit ed inirungan na samay too et marotak ya anggad labi. Siopamay mangawit na antokaman ya inirungan to may too et nepeg ya ipesak toy kawes to tan manames, tan siansian marotak ya anggad labi.

Levitico 15:21

Siopamay makadiwit na katri to odino antokaman a yorungan to, nepeg ya ipesak toy kawes to tan manames, tan siansian marotak ya anggad labi.

Levitico 15:5

Siopamay makadiwit ed katri to yan laki

Levitico 22:8

Ag to nepeg a kanen so karni na dinan man ya ayep ya inatey a bukor odino pinatey na saray ayep ed takel; sayan karni et makarotak ed sikato. Siak so Katawan.

Levitico 7:24

Nepeg ya ag kanen so taba na ayep ya inatey a bukor odino pinatey na ayep ed takel, balet nayarin ikana ed arum a pamaakaran.

Saray Bilang 19:19

Diad kumatlon agew tan diad kumapiton agew say too a malinis onung ed ganggan et walsikan to na samay danum so toon marotak onung ed ganggan. Diad kumapiton agew say toon malinis linisan to may toon marotak. Diad mansironget magmaliw a malinis onung ed ganggan kayari ton impesak so kawes to tan kinalboan so laman to na danum.

Saray Bilang 19:21

Sayan totontonen et mansiansia ya anggad arapen a panaon. Say toon mangiwalsik na danum a panaglinis nepeg met ya ipesak toy kawes to; siopamay maniwit na danum a panaglinis et siansian marotak ya anggad labi.

Saray Bilang 19:8

Samay toon amool ed baka et nepeg met ya ipesak toy kawes to tan kalboan toy laman to na danum, balet sikatoy siansian marotak ni onung ed ganggan ya anggad labi.

Deuteronomio 14:21

“Ag yo kakanen so antokaman ya ayep ya inatey a bukor. Nayarin ipakan yod saray sangkailin manaayam ed kawalaan yo, odino ilako yo ed arum iran sangkaili. Balet kayaryan kayo na Katawan a Dios yo; sikayo ray totoo to. “Ag yo ilolotod gatas na ina to so kordiro odino kilaw na kanding.

Puyan 7:14

“Ag ko amta,” ebat ko. “Sikayoy makaamta.” Inkuantod siak, “Sikara yay totoon akaliktar ed baleg a kairapan. Inorasan tan pinapoti ray kawes da ed dala na Kordiro.